మైనర్ బాలికపై కన్నేసిన బాబాయి

మాయ మాటలతో  బాలికపై లైంగిక దాడికి పాల్పడ్డాడు. ఈ దారుణ సంఘటన నెల్లూరు జిల్లా ఆత్మకూరులో చోటుచేసుకుంది.

కన్న తండ్రితో సమానమైన బాబాయి.. మైనర్ బాలికపై కన్నేశాడు. బాలికను వెంబడించి.. మాయ మాటలతో  బాలికపై లైంగిక దాడికి పాల్పడ్డాడు. ఈ దారుణ సంఘటన నెల్లూరు జిల్లా ఆత్మకూరులో చోటుచేసుకుంది.

పూర్తి వివరాల్లోకి వెళితే... ఆత్మకూరు మండలం బసవరాజుపాళెం గ్రామానికి చెందిన ఓ మైనర్‌(12) మూడు రోజుల క్రితం మేకలు మేపేందుకు పొలానికి వెళ్లింది. ఆ బాలికకు బాబాయి వరసయ్యే యువకుడు తిరుపతయ్య(ఉరఫ్‌ సురేష్‌) ఆ బాలికను వెంబడించి పొలంలో మాయమాటలు చెప్పాడు. 

సెల్‌ఫోన్లో నీలిచిత్రాలు చూపించి ఆ బాలికపై లైంగికదాడికి పాల్పడ్డాడు. బాధిత బాలిక ఈ విషయాన్ని ఆలస్యంగా తల్లిదండ్రులకు తెలపడంతో వారు పోలీసులకు ఫిర్యాదు చేశారు. మంగళవారం తిరుపతయ్యను పోలీసులు అదుపులోకి తీసుకుని కేసు నమోదు చేశారు.