చంద్రబాబు లాయర్ లూథ్రాపై పోలీసులకు ఫిర్యాదు...

చంద్రబాబునాయుడు లాయర్ లూథ్రాపై మాజీ ఎమ్మెల్యే రౌతు సూర్యప్రకాశరావు పోలీసులకు ఫిర్యాదు చేశారు. రెచ్చగొట్టేలా ట్వీట్ చేశారంటూ ఆరోపించారు. 

రాజమండ్రి : మాజీ ముఖ్యమంత్రి చంద్రబాబు నాయుడు లాయర్ లూథ్రాపై పోలీసులకు ఫిర్యాదు అందింది. లూథ్రా ట్వీట్ పై మాజీ ఎమ్మెల్యే రౌతు సూర్యప్రకాశరావు పోలీసులకు ఫిర్యాదు చేశారు. రాజమండ్రి సెంట్రల్ జైలులో ఉన్న చంద్రబాబునాయుడుతో ములాఖత్ అయిన తరువాత లూథ్రా ఓ ట్వీట్ చేశారు. 

దీనిమీద సూర్యప్రకాశరావు అభ్యంతరం వ్యక్తం చేశారు. ఆయుధాలతోనే పని జరుగుతుందని రెచ్చగొట్టేలా ట్రీట్ చేశారంటూ ఫిర్యాదు చేశారు. హింసను ప్రేరేపించేలా ట్రీట్ చేసిన లూథ్రాపై చర్యలు తీసుకోవాలని వినతి చేశారు. దీనికి సంబంధించి మరిన్ని వివరాలు తెలియాల్సి ఉంది.