భర్త వదిలేసిన మహిళ తో ఎఫైర్.. ఆమె కూతురిపైనా కన్నేసి..!

ఆమె కూతురిపై కూడా కన్నేశాడు. ఆమె కూతురిని తనకిచ్చి పెళ్లి   చేయాలంటూ వేధించడం మొదలుపెట్టాడు. అతని వేధింపులు తట్టుకోలేక బాధితులు పోలీసులను ఆశ్రయించారు. 

భర్త వదిలేసిన మహిళతో సంబంధం పెట్టుకున్నాడు. ఆ తర్వాత.. ఆమె కూతురిపై కూడా కన్నేశాడు. ఆమె కూతురిని తనకిచ్చి పెళ్లి   చేయాలంటూ వేధించడం మొదలుపెట్టాడు. అతని వేధింపులు తట్టుకోలేక బాధితులు పోలీసులను ఆశ్రయించారు. ఈ సంఘటన మంగళగిరిలో చోటుచేసుకోగా... ఈ ఘటనకు సంబంధించిన పూర్తి వివరాలు ఇలా ఉన్నాయి.

మంగళగిరికి చెందిన గోలి సాంబశివరావు కొన్నేళ్లుగా భర్త వదిలేసిన మహిళతో సహజీవనం చేస్తున్నాడు. ఆ మహిళకు ఒక కుమార్తె ఉండగా.. తల్లితోనే ఉంటోంది. డిగ్రీ చదువుతున్న ఆ యువతికి పెళ్లి చేసేందుకు తల్లి ప్రయత్నాలు చేస్తుండగా.. 

ఆమెపైనా కన్నేసిన సాంబశివరావు అడ్డుకుంటున్నాడు. చిన్నతనం నుంచీ తన తల్లితో ఉంటున్న సాంబశివరావును ఆ యువతి తండ్రిగానే పిలుస్తోంది. తండ్రి స్థానంలో ఉన్న వ్యక్తి తనను కూడా పెళ్లి చేసుకుంటాననడంతో ఆ యువతి తట్టుకోలేక ఎదురుతిరిగింది. దీంతో ఆగ్రహానికి గురైన సాంబశివరావు తల్లీ కుమార్తెలను వారం రోజులుగా ఇంట్లోనే ఉంచి చిత్రహింసలు పెట్టాడు. బుధవారం ఆ యువతిని బెల్ట్‌తో చితకబాదడంతో తట్టుకోలేకపోయిన తల్లీ కుమార్తెలు ఇంటి నుంచి బయటపడి పోలీసులను ఆశ్రయించారు.