న్యూ ఇయర్ 2024 : కొత్త సంవత్సరం ఏపీలో భారీగా సెలవులు.. ఎన్నిరోజులో చూడండి..

ఆంధ్రప్రదేశ్ లో 2024లో బోలెడు సెలవులు రానున్నాయి. సంవత్సరారంభమైన జనవరిలోనే 11నుంచి 13 సెలవులు ఉన్నాయి. 

అమరావతి : ఆంధ్రప్రదేశ్ లో ఈసారి సంక్రాంతికి నాలుగు నుంచి ఆరు రోజుల సెలవులు రానున్నాయి. ఆంధ్రులకు సంక్రాంతి పండగ అత్యంత ముఖ్యమైనది. సాధారణంగా ఈ పండుగకు రెండు, మూడు రోజులు సెలవులు ఉంటాయి. కానీ ఈ సారి మాత్రం సంక్రాంతికి నాలుగు,  ఆరు రోజులు సెలవులు ఉన్నట్లుగా తెలుస్తోంది. కొత్త సంవత్సరం 2024కి సెలవుల క్యాలెండర్ ను ఏపీ ప్రభుత్వం విడుదల చేసింది. 

ఈ సెలవులు అన్ని ప్రభుత్వ ఉద్యోగులకు వర్తిస్తాయి. ముందుగా జనవరిలో 13వ తేదీ సెకండ్ సాటర్ డే, జనవరి 14 ఆదివారంనాడు భోగి,  జనవరి 15 సంక్రాంతి.. ఇవన్నీ సాధారణ సెలవులే. ఆ తర్వాత జనవరి 16వ తేదీన ఆప్షనల్ హాలిడే పెట్టుకోవచ్చు. ఇవి అన్ని ప్రభుత్వ రంగ సంస్థలకు వర్తిస్తాయి. అయితే స్కూల్స్, కాలేజీల్లాంటి విద్యాసంస్థలకు మరో రెండు రోజులపాటు అదనంగా సెలవులు ఇచ్చే అవకాశం ఉన్నట్లు సమాచారం.

దీంతో మొత్తం వరుసగా ఆరు రోజుల పాటు సెలవులు వస్తాయి. జనవరి నెలలో 4 ఆదివారాలు ఉన్నాయి. దీనికి తేడు రెండో శనివారం, నాలుగో శనివారం.. కలిపి మొత్తంగా ఎక్కువగానే సెలవులు వస్తున్నాయి. ఒక్క  2024 జనవరి నెలలోనే  దాదాపు 11 నుంచి 13 రోజులపాటు సెలవులు వస్తున్నాయి.

కొత్త సంవత్సరంలో.. ఏ నెలలో ఎన్ని సెలవులు ఉన్నాయంటే….

నెం.	నెల, తేదీ	వారం	పండుగ
1.	జనవరి 15	సోమవారం	సంక్రాంతి
2.	జనవరి 16	మంగళవారం	కనుమ
3.	జనవరి 26	శుక్రవారం	రిపబ్లిక్ డే
4.	మార్చి 8	శుక్రవారం	మహాశివరాత్రి
5.	మార్చ్ 25	సోమవారం	హోలీ
6.	మార్చి 29	శుక్రవారం	గుడ్ ఫ్రైడే
7.	ఏప్రిల్ 5	శుక్రవారం	బాబు జగ్జీవన్ రామ్ జయంతి
8.	ఏప్రిల్ 9	మంగళవారం	ఉగాది
9.	ఏప్రిల్ 11	గురువారం	ఈద్-ఉల్-ఫితర్
10.	ఏప్రిల్ 17	బుధవారం	శ్రీరామనవమి
11.	జూన్ 17	సోమవారం	బక్రీద్
12	జులై 17	బుధవారం	మొహర్రం
13	ఆగస్టు 15	గురువారం	స్వాతంత్ర దినోత్సవం
14	ఆగస్టు 26	సోమవారం	శ్రీ కృష్ణాష్టమి
15	సెప్టెంబర్ 7	శనివారం	వినాయక చవితి
16	సెప్టెంబర్ 16	సోమవారం	ఈద్ మిలాన్ ఉన్ నబీ
17	అక్టోబర్ 2	బుధవారం	గాంధీ జయంతి
18	అక్టోబర్ 11	శుక్రవారం	దుర్గాష్టమి
19	అక్టోబర్ 31	గురువారం	దీపావళి
20	డిసెంబర్ 25	బుధవారం	క్రిస్మస్