కరోనా సంక్షోభం... తిరుమల ఆలయానికి రూ.800కోట్ల నష్టం..!

ఏదేమైనా, గత ఆర్థిక సంవత్సరంలో 12 నెలల కాలంలో ఇవి బాగా పడిపోయాయి, ఎందుకంటే భక్తులను అనుమతించకుండా 84 రోజులు ఆలయం మూసివేశారు. దీంతో.. హుండీలో కానుకలు తగ్గిపోయాయి.

కరోనా మహమ్మారి మన దేశంలో ఎంతలా విజృంభించిందో మనందరికీ తెలిసిందే.  ఎంతో మంది ఈ మహమ్మారికి బలై ప్రాణాలు కోల్పోయారు. కాగా.. ఈ కరోనా సంక్షోభం.. తిరుమల ఆలయంపైనా పడింది. కరోనా కారణంగా తిరుమల ఆలయానికి రూ.800కోట్లు నష్టం వాటిల్లింది. గత ఏడాది కాలంగా.. తిరుమల హుండీలో భక్తుల కానుకలు లేకపోవడంతో... తీవ్ర నష్టం వాటిల్లినట్లు టీటీడీ అధికారులు తెలిపారు.

2020 ఫిబ్రవరిలో తిరుమల తిరుపతి దేవస్థానం (టిటిడి) ట్రస్ట్ బోర్డు తన 2020-21 వార్షిక బడ్జెట్‌ను రూ .3,310 కోట్లకు ఆమోదించింది. దీనిలో హుండి రాబడి 1,351 కోట్ల రూపాయలకు చేరుకుంది. ఏదేమైనా, గత ఆర్థిక సంవత్సరంలో 12 నెలల కాలంలో ఇవి బాగా పడిపోయాయి, ఎందుకంటే భక్తులను అనుమతించకుండా 84 రోజులు ఆలయం మూసివేశారు. దీంతో.. హుండీలో కానుకలు తగ్గిపోయాయి.

కేంద్ర గృహ వ్యవహారాల మంత్రిత్వ శాఖ జారీ చేసిన కోవిడ్ -19 మార్గదర్శకాలకు అనుగుణంగా తిరుమల తిరుపతి దేవస్థానాన్ని  2020 మార్చి 20 న మూసివేశారు. భక్తులను అనుమతించలేదు. మళ్లీ గత సంవత్సరం జూన్ 11 న తిరిగి ప్రారంభించారు. కరోనా భయంతో భక్తుల రాక కూడా చాలా తగ్గింది. దీంతో.. టీటీడీ ఆదాయం భారీగా తగ్గింది. 

సాధారణంగా, ఈ ఆలయం రోజుకు దాదాపు 60,000-90,000 ఫుట్‌ఫాల్స్‌ను చూస్తుంది. ఇక  ప్రత్యేక రోజులు, వారాంతాల్లో లక్ష దాటుతుంది. హుండిలోకి భక్తులు చేసే సమర్పణల ద్వారా ఈ పుణ్యక్షేత్రం రోజుకు రూ .3 కోట్ల నుంచి రూ .4 కోట్ల ఆదాయాన్ని పొందుతుంది. నెలవారీ కార్పస్ రూ .100 కోట్ల నుండి రూ .150 కోట్ల మధ్య ఉంటుంది. కరోనావైరస్ కారణంగా రోజుకు అనుమతించే భక్తుల సంఖ్యపై ఆంక్షలు హుండి ఆదాయంపై భారీ ప్రభావాన్ని చూపాయి.