Vijayawada: విజయవాడలోని ఇంద్ర‌కీలాద్రిలో ఉన్న శ్రీ దుర్గా మల్లేశ్వర స్వామి వార్ల దేవస్థానంలో కొలువైన కనక దుర్గమాత దసరా వేడుక‌లు ఘ‌నంగా జ‌రిగాయి. దసరా శరన్నవరాత్రి ఉత్సవాల‌లో భాగంగా అమ్మవారు రెండు రూపాల్లో దర్శనమిచ్చారు. ఈ క్ర‌మంలోనే అమ్మ‌వారిని ద‌ర్శించుకోవ‌డానికి పెద్ద సంఖ్య‌ల్లో భక్తులు విచ్చేశారు.
Sri Durga Malleswara Swamy Varla Devasthanam: విజయవాడలోని ఇంద్ర‌కీలాద్రిలో ఉన్న శ్రీ దుర్గా మల్లేశ్వర స్వామి వార్ల దేవస్థానంలో కొలువైన కనక దుర్గమాత దసరా వేడుక‌లు ఘ‌నంగా జ‌రిగాయి. దసరా శరన్నవరాత్రి ఉత్సవాల‌లో భాగంగా అమ్మవారు రెండు రూపాల్లో దర్శనమిచ్చారు. ఈ క్ర‌మంలోనే అమ్మ‌వారిని ద‌ర్శించుకోవ‌డానికి పెద్ద సంఖ్య‌ల్లో భక్తులు విచ్చేశారు.
వివ‌రాల్లోకెళ్తే.. విజయవాడలోని ఇంద్రకీలాద్రిపై కొలువైన శ్రీ దుర్గా మల్లేశ్వర స్వామి వార్ల దేవస్థానంలో తొమ్మిది రోజుల పాటు జరిగిన దసరా శరన్నవరాత్రి ఉత్సవాలు సోమవారం రెండు అవతారాలలో పీఠాధిపతి దర్శనంతో ముగిశాయి. శుద్ధ నవమి సందర్భంగా ఉదయం 4 గంటల నుంచి మధ్యాహ్నం 12 గంటల వరకు దుర్గాదేవిని శ్రీ మహిషాసుర మర్ధినిగా అలంకరించారు. అనంతరం మధ్యాహ్నం 1 గంటల నుంచి రాత్రి 11 గంటల వరకు శ్రీ రాజరాజేశ్వరీ దేవి అలంకారంలో దర్శనమిచ్చారు.
సోమవారం సాయంత్రం 6 గంటలకు దుర్గాఘాట్ వద్ద కృష్ణానదిలో శ్రీ కనకదుర్గాదేవి, శ్రీమల్లేశ్వర స్వామివారి దివ్య తెప్పోత్సవం వైభవంగా జరిగింది. కృష్ణానదిలో ప్రత్యేకంగా రూపొందించిన పడవపై అమ్మవారు, దేవుడు విహరించారు. ఇందుకోసం ఆలయ అధికారులు పోలీసు, దేవాదాయ, జలవనరులు, అగ్నిమాపక శాఖల సహకారంతో ప్రత్యేక హంసవాహనాన్ని రూపొందించారు. గత ఏడాది వరదల కారణంగా తెప్పోత్సవం నిర్వహించలేకపోయారు.
దసరా శరన్నవరాత్రి ఉత్సవాల్లో ఎనిమిదో రోజైన ఆదివారం శ్రీ కనకదుర్గాదేవి శ్రీ దుర్గాదేవిగా దర్శనమిచ్చారు. తెలుగు రాష్ట్రాలతో పాటు పొరుగున ఉన్న తమిళనాడు, కర్నాటక తదితర రాష్ట్రాల నుంచి పలువురు భక్తులు ఆలయాన్ని దర్శించుకున్నారు. భక్తుల రద్దీ, క్యూ లైన్ల కారణంగా చాలా మంది యాత్రికులు రూ.500 టిక్కెట్లు కొని దర్శనానికి ప్రాధాన్యత ఇచ్చారు. ఇంకా ఆల‌యం వద్ద భక్తుల రద్దీ కొన‌సాగుతోంది. పౌరసరఫరాల శాఖ మంత్రి కారుమూరి నాగేశ్వరరావు, టీడీ రాజ్యసభ సభ్యుడు కనకమేడల రవీంద్రకుమార్, పలువురు ఆంధ్రప్రదేశ్ హైకోర్టు న్యాయమూర్తులు సహా పలువురు వీఐపీలు అమ్మవారి దర్శనం కోసం ఆలయాన్ని సందర్శించారు. రాష్ట్ర సంక్షేమం కోసం దుర్గాదేవిని ప్రార్థిస్తున్నట్లు మంత్రి నాగేశ్వరరావు తెలిపారు.
శ్రీ మహిషౌర మర్ధిని అవతారంలో..
శ్రీ మహిషాసుర మర్ధినీ దేవి తన అవతారాలన్నింటిలో అత్యంత 'ఉగ్ర అవతారం' గా పరిగణించబడుతుంది. నవమి రోజున మహిష అనే రాక్షసుడిని సంహరించినందున, దానిని మహర్నవమి అని పిలుస్తారు. శ్రీ మహాలక్ష్మీ దేవి 'అష్టాదశ భుజాలతో' (పద్దెనిమిది చేతులు) మహిషాసురుడిని సంహరించి ఇంద్రకీలాద్రిపై అదే రూపంలో వెలిశారని 'చండీ సప్తసతి' పేర్కొంటుంది. కాలక్రమేణా, ఆమె కనక దుర్గగా ప్రాచుర్యం పొందింది. ఈ వేషధారణలో, దుర్గామాత చేతిలో త్రిశూలం పట్టుకుని, సింహాంపై కూర్చుని క‌నిపిస్తుంది. హిషాసుర మర్ధిని, ఈ రూపంలో త్రిమూర్తులైన బ్రహ్మ, విష్ణు, మహేశ్వరుల శక్తులను కలిగి ఉంటుంద‌ని హిందూ పురాణాలు పేర్కొంటున్నాయి.