ఎన్టీఆర్ విశ్వ విద్యాలయం వద్ద జూనియర్ డాక్టర్ పై డీసీపీ హర్షవర్ధన్ కొట్టాడు. కాలర్ పట్టుకొని చెంపపై కొట్టాడు.
విజయవాడ: ఆందోళన చేస్తున్న జూనియర్ డాక్టర్పై డీసీపీ హర్షవర్ధన్ కాలర్ పట్టుకొని చెంపపై కొట్టారు. ఈ విషయమై జూనియర్ డాక్టర్లు డీజీపీ గౌతంసవాంగ్ కు ఫిర్యాదు చేశారు.
ఎన్ఎంసీ బిల్లుకు వ్యతిరేకంగా విజయవాడలోని ఎన్టీఆర్ యూనివర్శిటీ ఎదుట జూనియర్ డాక్టర్లు వరుసగా ఆందోళనలకు దిగారు. బుధవారం నాడు కూడ జూనియర్ డాక్టర్లు ఆందోళన చేశారు.
ఈ సమయంలో ఆందోళన కారులను చెదరగొట్టే సమయంలో పోలీసులు వ్యవహరించిన తీరు విమర్శలకు దారి తీసింది.బుధవారం నాడు ఎన్టీఆర్ యూనివర్శిటీ ఎదుట ఆందోళన చేస్తున్న జూనియర్ డాక్టర్లపై డీసీపీ హర్షవర్ధన్ కాలర్ పట్టుకొని చెంపపై కొట్టాడు.
ఈ ఘటనను జూనియర్ డాక్టర్లు సీరియస్ గా తీసుకొన్నారు. డీసీపీ హర్షవర్ధన్ ప్రవర్తనపై జూనియర్ డాక్టర్లు మండిపడుతున్నారు. ఈ విషయమై డీజీపీకి జూనియర్ డాక్టర్లు ఫిర్యాదు చేశారు. ఈ మేరకు జూనియర్ డాక్టర్లు వీడియో పుటేజీని కూడ డీజీపీకి అందించారు.
డీసీసీ హర్షవర్దన్ పై చర్యలు తీసుకోవాలని జూనియర్ డాక్టర్లు డిమాండ్ చేస్తున్నారు.