చీరాల అసెంబ్లీ ఎన్నికల ఫలితాలు 2024
సారాంశం
ఆంధ్ర ప్రదేశ్ లో ఇప్పటివరకు వైసిపి జెండా ఎగరని నియోజకవర్గాల్లో చీరాల ఒకటి. అయితే వైసిపి విజయం సాధించకున్నా టిడిపి ఎమ్మెల్యే కరణం బలరాంను తమవైపు తిప్పుకోగలిగింది అధికార పార్టీ. ఇలా టిడిపిలో గెలిచి వైసిపిలో చేరిన ఎమ్మెల్యే బలరాం ఈసారి తన కొడుకును చీరాల బరిలో నిలిపేందుకు రంగం సిద్దంచేసుకుంటున్నారు. ఇదే సమయంలో మాజీ ఎమ్మెల్యే ఆమంచి కృష్ణమోహన్ కూడా చీరాల టికెట్ ఆశిస్తున్నారు. దీంతో చీరాల రాజకీయం రసవత్తరంగా మారింది.
చీరాల రాజకీయాలు :
చీరాల నియోజకవర్గం ఉమ్మడి ఆంధ్ర ప్రదేశ్ రాష్ట్రానికి ఓ ముఖ్యమంత్రిని అందించింది. ఇక్కడి నుండి మాజీ సీఎం కొణిజేటి రోశయ్య రెండుసార్లు (1989,2004) ఎమ్మెల్యేగా ప్రాతినిధ్యం వహించారు. ఆ తర్వాత ఆమంచి కృష్ణమోహన్ (2009,2014), చివరగా 2019 ఎన్నికల్లో కరణం బలరాం ఎమ్మెల్యేలుగా గెలిచారు.
అయితే రాజకీయ పరిణామాల నేపథ్యంలో టిడిపిని వీడి అధికార వైసిపిలో చేరారు చీరాల సిట్టింగ్ ఎమ్మెల్యే బలరాం. ఈసారి ఆయన కాకుండా కొడుకు కరణం వెంకటేశ్ ను చీరాల బరిలో నిలపాలని చూస్తున్నారు. కానీ ఇదే సీటును వైసిపిలోని వున్న ఆమంచి కోరుతున్నారు. ఈ నేపథ్యంలో చీరాల అభ్యర్థి ఎంపికపై వైసిపిలో సస్పెన్స్ కొనసాగుతోంది.
చీరాల అసెంబ్లీ పరిధిలోని మండలాలు :
1. వేలపాలెం
2. చీరాల
చీరాల నియోజకవర్గంలోని ఓటర్లు (2019 ఎన్నికల ప్రకారం)
నియోజకవర్గంలోని మొత్తం ఓటర్లు 1,90,830
పురుషులు - 93,573
మహిళలు - 97,245
చీరాల అసెంబ్లీ ఎన్నికలు 2024 అభ్యర్థులు :
వైసిపి అభ్యర్థి :
చీరాల అసెంబ్లీ సీటుపై వైసిపిలో సస్పెన్స్ కొనసాగుతోంది. టిడిపి నుండి వైసిపిలో చేరిన ఎమ్మెల్యే కరణం బలరాం తనయుడు వెంకటేశ్, మాజీ ఎమ్మెల్యే ఆమంచి కృష్ణమోహన్ ఇద్దరూ ఇదే టికెట్ ఆశిస్తున్నారు. దీంతో వీరిలో ఎవరికి సీటు ఇవ్వాలో తేల్చుకోలేకపోతున్న వైసిపి అధిష్టానం అభ్యర్థిని ప్రకటించలేదు.
టిడిపి అభ్యర్థి :
చీరాల టిడిపి పరిస్థితి కూడా వైసిపి మాదిరిగానే వుంది. ప్రస్తుతం చీరాల ఇంచార్జీగా కొనసాగుతున్నారు ఎంఎం కొండయ్య. అయితే ఇక్కడినుండి పోటీ చేసేందుకు చాలమంది ఆసక్తి చూపిస్తుండటంతో టిడిపి అధిష్టానం ఎటూ తేల్చుకోలేకపోతోంది. ఇప్పటికైతే ఈ చీరాల టిడిపి అభ్యర్థిపై సస్పెన్స్ కొనసాగుతోంది.
చీరాల అసెంబ్లీ ఎన్నికల ఫలితాలు :
చీరాల అసెంబ్లీ ఎన్నికలు 2019 ఫలితాలు :
నియోజకవర్గంలో పోలయిన మొత్తం ఓట్లు 1,57,511
టిడిపి - కరణం బలరాం - 83,901 (53 శాతం) - 17,419 ఓట్ల మెజారిటీతో విజయం
వైసిపి - ఆమంచి కృష్ణమోహన్ - 66,482 (42 శాతం) - ఓటమి
(ప్రస్తుతం కరణం బలరాం, ఆమంచి కృష్ణమోహన్ ఇద్దరూ వైసిపిలోనే వున్నారు.)
చీరాల అసెంబ్లీ ఎన్నికలు 2014 ఫలితాలు :
నియోజకవర్గంలో పోలయిన మొత్తం ఓట్లు 1,54,700
నవోదయం పార్టీ - ఆమంచి కృష్ణమోహన్ - 57,544 (37 శాతం) - 10,335 ఓట్ల మెజారిటీతో విజయం
టిడిపి - పోతుల సునీత - 47,209 (30 శాతం) - ఓటమి
వైసిపి - బాలాజీ యాడం - 40, 955 (25 శాతం) - ఓటమి
వైసిపి - ఆమంచి కృష్ణమోహన్ - 66,482 (42 శాతం) - ఓటమి