ఏపీలో గ్రూప్-1 ప్రిలిమినరీ పరీక్షలు: నిమిషం ఆలస్యమైనా అనుమతించని అధికారులు
By narsimha lode | First Published Jan 8, 2023, 12:16 PM ISTగ్రూప్-1 ప్రిలిమినరీ పరీక్షలు ఇవాళ ప్రారంభమయ్యాయి. ఒక్క నిమిషం ఆలస్యమైనా అభ్యర్ధులను పరీక్షా కేంద్రంలోకి అనుమతించలేదు. ఇవాళ లేదా రేపు ఈ పరీక్షకు సంబంధించిన కీ ని అధికారులు విడుదల చేసే అవకాశం ఉంది.
అమరావతి: రాష్ట్రంలో గ్రూప్ -1 ప్రిలిమినరీ పరీక్షలు ఆదివారం నాడు ప్రారంభమయ్యాయి. ఒక్క నిమిషం ఆలస్యమైనా అభ్యర్ధులను పరీక్షా కేంద్రంలోకి అనుమతించలేదు అధికారులు.ఈ పరీక్షలు నిర్వహించేందుకు 297 పరీక్షా కేంద్రాలను ఏర్పాటు చేశారు. ఉదయం , మధ్యాహ్నం గ్రూప్ -1 పరీక్షలకు సంబంధించి పరీక్షలను నిర్వహిస్తున్నారు. ఇవాళ ఉదయం 10 గంటల నుండి మధ్యాహ్నం 12 గంటల వరకు పేపర్ 1, మధ్యాహ్నం రెండు గంటల నుండి నాలుగు గంటల వరకు పేపర్ -2 పరీక్ష నిర్వహించున్నారు. నిమిషం ఆలస్యమైనా కూడా పరీక్షా కేంద్రంలోపలికి అభ్యర్ధులను అనుమతించలేదు. ఉమ్మడి అనంతపురం జిల్లాలోని ఓ పరీక్షా కేంద్రానికి ఆలస్యంగా వచ్చిన మహిళా అభ్యర్ధిని అధికారులు లోపలికి రానివ్వలేదు. తాను ప్రెగ్నెంట్ గా ఉన్నందున పరీక్షా కేంద్రానికి రావడానికి ఆలస్యమైందని ఆమె అధికారులకు చెప్పారు. తనకు అనుమతివ్వాలని ఆమె కోరారు.
ఇవాళ గ్రూప్ -1పరీక్షకు సంబంధించి 1,26,449 మంది అభ్యర్ధులు పరీక్ష రాయనున్నారు. ఇవాళ రాత్రికి లేదా రేపు ఉదయం ఎపీపీఎస్‌సీ గ్రూప్ 1 పరీక్షకు సంబంధించి కీ విడుదల చేయనున్నారు.ఇదిలా ఉంటే ఏపీపీఎస్సీ గ్రూప్ 2 పరీక్షా విధానంలో మార్పులు చేస్తూ ప్రభుత్వం ఉత్తర్వులు జారీ చేసింది.ప్రిలిమ్స్ పరీక్ష తో పాటు పాటు మెయిన్స్ పరీక్షలో రెండు పేపర్లు మాత్రమే ఉండేలా మార్పు చేర్పులు చేసింది. గత విధానం తరహాలోనే ప్రిలిమినరీ పరీక్షలో 150 మార్కులకు జనరల్ స్టడీస్ , మెంటల్ ఎబిలిటీ పరీక్షలు నిర్వహించనున్నారు. మెయిన్స్ లో 450 మార్కులకు 3 పేపర్లు బదులు ఇక నుంచి 300 మార్కులకు రెండు పేపర్లు మాత్రమే ఉండేలా మార్పులు చేశారు.ఏపీ సామాజిక చరిత్ర, ఉద్యమాలు, భారతరాజ్యాగం పేపర్ 1 గా 150 మార్కులకు ప్రశ్నాపత్రంమరో 150 మార్కులకు రెండో ప్రశ్నాపత్రంగా భారత, ఏపీ ఎకానమి, సైన్స్ , టెక్నాలజీ పై ప్రశ్నాపత్రం ఉండనుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి