సీఎం క్యాంప్ కార్యాలయం సమీపంలో మహిళ ఆత్మహత్యాయత్నం ఘటనపై కాకినాడ ఎస్పీని విచారణ చేసి నివేదిక ఇవ్వాలని మహిళా కమిషన్ చైర్ పర్సన్ వాసిరెడ్డి పద్మ ఆదేశించారు.
అమరావతి:ఆంద్రప్రదేశ్ సీఎం వైఎస్ జగన్ క్యాంప్ కార్యాలయానికి వెళ్లే దారిలో ఆత్మహత్యాయత్నానికి ప్రయత్నించిన మహిళ కేసులో నివేదిక ఇవ్వాలని కాకినాడ ఎస్పీని ఏపీ మహిళా కమిషన్ చైర్ పర్సన్ వాసిరెడ్డి సద్మ శుక్రవారంనాడు ఆదేశించారు.
ఈ నెల 2వ తేదీన సీఎం ను కలిసేందుకు ఆ మె క్యాంప్ కార్యాలయం సమీపానికి వచ్చారు.సీఎం కలిసే అవకాశం లేకపోవడంతో ఆమె ఆత్మహత్యాయత్నం చేసింది. వెంటనే ఆమెను పోలీసులు ఆసుపత్రికి తరలించారు. తన కూతురు అనారోగ్య కారణాలతో తన ఇంటిని విక్రయించుకొనే ప్రయత్నం చేస్తే కొందరు అడ్డుకుంటున్నారని ఆమె ఆరోపిస్తుంది.
ఈ విషయమై ఫిర్యాదు చేసినా ఫలితం లేకపోవడంతో ఆత్మహత్యాయత్నం చేసినట్టుగా మీడియాలో వార్తలు వచ్చాయి. ఈ విషయమై సుమోటోగా తీసుకుంది రాష్ట్ర మహిళ కమిషన్. ఈ ఘటన కు సంబంధించిన అంశంపై నివేదిక ఇవ్వాలని కాకినాడ ఎస్పీని మహిళా కమిషన్ ఆదేశించింది.
also read:తాడేపల్లిలో సీఎం జగన్ క్యాంప్ ఆఫీసు సమీపంలో మహిళా ఆత్మహత్య యత్నం.. ఏం జరిగిందంటే..?
సీఎంక్యాంప్ కార్యాలయం సమీపంలో మహిళ ఆరుద్ర ఆత్మహత్యాయత్నం చేసిన ఘటనపై డీజీపీ కార్యాలయం కూడ ఇదివరకే ఓ ప్రకటనను విడుదల చేసింది. మహిళ ఆరోపణలు చేసిన కానిస్టేబుల్ బదిలీ చేసినట్టుగా కూడ డీజీపీ కార్యాలయం ప్రకటించింది. ఈ అంశంపై సమగ్ర విచారణ జరిపి నివేదిక ఇవ్వాలని మహిళా కమిషన్ఁఆదేశాలు జారీ చేసింది.