మందార పువ్వును ముఖానికి పెడితే ఏమౌతుందో తెలుసా

మందార పువ్వు మన చర్మాన్ని అందంగా మార్చేస్తుంది. ఈ పువ్వుతో చేసిన ఫేస్ మాస్కులను ఉపయోగించడం వల్ల ఎన్నో చర్మ సమస్యలు తగ్గిపోతాయి. అవేంటంటే? 

మందార పువ్వులో యాంటీ ఆక్సిడెంట్లు, విటమిన్ సి పుష్కలంగా ఉంటాయి. ఈ పువ్వు హైపర్ పిగ్మెంటేషన్ సమస్యను తగ్గిస్తుంది. అలాగే మన చర్మానికి మంచి పోషణను అందిస్తుంది. 

ఫేస్ మాస్క్ కోసం రెండు మందార పువ్వులను మెత్తని పేస్ట్ చేసి అందులో ఒక టేబుల్ స్పూన్ పెరుగును వేసి కలిపి ముఖానికి పెట్టండి. 15 నిమిషాల తర్వాత కడిగేస్తే మచ్చలు తగ్గిపోతాయి. 

 మందార పేస్ట్ లో కలబంద గుజ్జును వేసి కలిపితే ఫేస్ మాస్క్ రెడీ అయినట్టే. దీన్ని ముఖానికి పెట్టడం వల్ల చర్మం తేమగా ఉంటుంది. అలాగే కలబందలోని ఫైటోకెమికల్స్ ఎరుపును తగ్గిస్తాయి.

చలికాలంలో మన చర్మం డ్రైగా మారుతుంది. అయితే మందార పొడిలో తేనె వేసి పేస్ట్ లా చేసి ముఖానికి రాసుకుంటే చర్మం తేమగా ఉంటుంది. దీంతో డ్రై స్కిన్ సమస్య ఉండదు.

ముఖంపై ఉన్న ముడతలను, ఎండవల్ల కలిగిన చర్మ నష్టాన్ని తగ్గించడంలో ఈ ఫేస్ మాస్క్ చాలా బాగా పనిచేస్తుంది. ఇందుకోసం మందార పొడిలో ముల్తానీ మట్టిని వేసి పేస్ట్ చేసి ముఖానికి పెట్టాలి.