Mahashivratri 2025: మహాశివరాత్రి ఫిబ్రవరి 26న? 27న?

శివపురాణం ప్రకారం ఫాల్గుణ మాసంలోని కృష్ణపక్ష చతుర్దశి నాడు శివుడు జ్యోతిర్లింగంగా అవతరించినందుకు గుర్తుగా మహాశివరాత్రి జరుపుకుంటారు.

2025లో మహాశివరాత్రి ఫిబ్రవరిలో వస్తుంది. ఫాల్గుణ కృష్ణ చతుర్దశి 2 రోజులు ఉండటంతో, ఏ రోజు మహాశివరాత్రి జరుపుకోవాలో తెలియక ప్రజలు తికమకపడుతున్నారు.  

పంచాంగం ప్రకారం ఫాల్గుణ మాసంలోని కృష్ణపక్ష చతుర్దశి తిథి ఫిబ్రవరి 26న ఉదయం 11:08 గంటలకు ప్రారంభమై ఫిబ్రవరి 27న ఉదయం 8:54 గంటలకు ముగుస్తుంది.

జ్యోతిష్యులు చెప్పిన ప్రకారం మహాశివరాత్రికి రాత్రి పూజ చాలా ముఖ్యమైనది. అందువల్ల ఫిబ్రవరి 26న చతుర్దశి రాత్రంతా ఉండటం వల్ల ఆ రోజే మహాశివరాత్రి. 

మహాశివరాత్రి సమయంలో భక్తులు ఉపవాసం ఉండి శివుడిని పూజిస్తారు. జాగరణ చేస్తారు. రాత్రంతా భజనలు, కీర్తనలు పాడతారు. ఫిబ్రవరి 27 గురువారం ఉపవాస దీక్ష విరమిస్తారు.

మహాశివరాత్రికి సంబంధించిన మరో నమ్మకం ఏమిటంటే ఈ రోజున శివ పార్వతుల వివాహం జరిగింది. అందుకే వారి వివాహాన్ని అనేక ప్రాంతాల్లో నిర్వహిస్తారు.