Pregnancy Diet: బిడ్డ ఆరోగ్యంగా పుట్టాలంటే.. గర్భిణులు తినాల్సిన ఆహారం

గర్భిణీ స్త్రీలు మాంసం, గుడ్లు, పప్పులు, పాలు వంటి ఆహారాలను తీసుకోవడం శిశువు పెరుగుదలకు, కండరాల అభివృద్ధికి సహాయపడుతుంది. ప్రెగ్నెన్సీ సమయంలో తల్లి, బిడ్డలకు పోషకాహారం ముఖ్యం. 

గర్భిణులకు ఫోలిక్ యాసిడ్ సప్లిమెంట్స్ చాలా అవసరం. మెదడు, వెన్నెముక రుగ్మతలు వంటి పుట్టుకతో వచ్చే లోపాలను నిరోధించడంలో సహాయపడుతుంది. అందుకే ఆకుకూరలు, చిక్కుళ్ళు, పండ్లు తీసుకోవాలి.

పాలు, పెరుగు, జున్ను వంటి పాల ఉత్పత్తులు తల్లి, బిడ్డల ఎముకలు, దంతాల బలోపేతానికి సహాయపడతాయి. ఇందులో కాల్షియం, విటమిన్ డి వంటి పోషకాలు అధికంగా ఉంటాయి.

పాలకూర, మాంసం, నారింజ వంటి ఆహారాల్లో ఐరన్ అధికంగా ఉంటుంది. ఇవి తినడం వల్ల రక్తహీనతకు చెక్ పెట్టవచ్చు. 

శిశువు మెదడు అభివృద్ధికి అవసరమైన కొవ్వు ఆమ్లాలను అవకాడోలు, గింజలు, ఆలివ్ నూనె అందిస్తాయి. అవకాడో, డ్రై ఫ్రూట్స్ లో హెల్తీ ఫ్యాట్స్, విటమిన్లు, ఖనిజాలు పుష్కలంగా ఉంటాయి.

జొన్నలు, సజ్జలు, రాగులు, గోధుమలు, ఓట్స్, బ్రౌన్ రైస్ వంటి తృణధాన్యాలు గర్భిణీ స్త్రీలకు మేలు చేస్తాయి. ఇవి పోషకాల గని, రక్తహీనతను నివారిస్తాయి. జీర్ణక్రియను మెరుగుపరుస్తాయి.