పిల్లలకి రోజూ స్నానం చేయించాలా

వానకాలంలో తడిబట్టలు వేసుకోవడం వల్ల చర్మం ఇన్ఫెక్షన్లు వస్తాయి. పిల్లల్ని ఈ ఇన్ఫెక్షన్ల నుంచి కాపాడటానికి వారికి ఎప్పుడూ డ్రై డ్రెస్ లను వేయాలి. 

ఆరోగ్య నిపుణుల ప్రకారం.. పిల్లలకి ప్రతిరోజూ స్నానం చేయించొచ్చు. అయితే వారి డ్రెస్ లు ఎప్పుడూ పొడిగా ఉండేలా చూసుకోవాలి. 

ఎట్టిపరిస్థితిలో పిల్లలకు చల్లని నీళ్లతో స్నానం చేయించకూడదు. గోరువెచ్చని నీళ్లతోనే వారికి స్నానం చేయించాలి. అయితే ఈ నీళ్లలో కొంచెం యాంటీ సెప్టిక్ ను కలపండి.

యాంటీసెప్టిక్ సేఫా? కాదా? అని తెలుసుకోవడానికి ముందుగా దాన్ని మీ చేతికి అంటించుకోండి. తర్వాత దాన్ని వాటర్ లో కలిపి పిల్లలకు స్నానం చేయించండి. ఇది పిల్లల కళ్లలో పడకుండా చూసుకోండి.

మీరు మీ పిల్లలకి బాత్ టబ్ లో స్నానం చేయిస్తే గనుక.. వానకాలం, చలికాలంలో అందులో పిల్లల్ని ఎక్కువసేపు ఉంచకండి.

పిల్లలకి స్నానం చేయించిన తర్వాత వారి ఒంటికి తడి లేకుండా మెత్తని టవల్ తో తుడవండి. డ్రైగా ఉన్న దుస్తులను వేయండి. 

ఏవి పడితే ఆ డైపర్లను వేయడం మానుకోండి. మంచి నాణ్యతున్న, దద్దుర్లు రాని డైపర్లనే వాడండి. కాటన్ డైపర్లు పిల్లల చర్మానికి ఎలాంటి హాని చేయవు.