కూరగాయలు మన ఆరోగ్యానికి ఎంతో మేలు చేస్తాయి. ఎందుకంటే వీటిలో కేలరీలు, కొవ్వు తక్కువగా ఉంటాయి. పోషకాలు పుష్కలంగా ఉంటాయి. వీటిని తింటే మీరు సులువుగా బరువు తగ్గుతారు.
క్యాబేజీలో పోషకాలు పుష్కలంగా ఉంటాయి. దీనిలో కేలరీలు తక్కువగా, ఫైబర్లు ఎక్కువగా ఉంటాయి. బరువును తగ్గించడంలో క్యాబేజీ ఎఫెక్టివ్ గా పనిచేస్తుందని అధ్యయనాలు కూడా చెబుతున్నాయి.
బచ్చలికూర పోషకాల బాంఢాగారం. దీనిలో ఫైబర్ కంటెంట్ పుష్కలంగా ఉంటుంది. ఒక కప్పు బచ్చలికూరలో కేవలం 7 కేలరీలు మాత్రమే ఉంటాయి. దీన్ని తింటే ఆరోగ్యంగా బరువు తగ్గుతారు.
కాలీఫ్లవర్ లో ఫైబర్ కంటెంట్ పుష్కలంగా ఉంటుంది. ఈ కూరగాయ బెల్లీ ఫ్యాట్ ను బాగా తగ్గిస్తుంది. ఒక కప్పు ఉడికించిన కాలీఫ్లవర్ లో 3 గ్రాముల ఫైబర్ ఉంటుంది.
బ్రోకలీ ఫైబర్ కంటెంట్ ఎక్కువగా ఉండే మరొక కూరగాయ. దీన్ని డైట్ లో చేర్చుకుంటే చాలా త్వరగా బరువు తగ్గుతారు. ఫైబర్ తో పాటుగా బ్రోకలీలో విటమిన్ సి కూడా పుష్కలంగా ఉంటుంది.
కీరదోసకాయల్లో బరువు తగ్గడానికి సహాయపడే పోషకాలు పుష్కలంగా ఉంటాయి. కీరదోసకాయలను సలాడ్, స్మూతీ లేదా వేరే పద్దతుల్లో తినొచ్చు. ఇవి కూడా మీరు బరువు తగ్గడానికి బాగా సహాయపడతాయి.
చిలగడదుంపల్లో సోడియం తక్కువగా ఉంటుంది. యాంటీ ఆక్సిడెంట్లు పుష్కలంగా ఉంటాయి. చిలగడదుంపలు కూడా మీరు బరువు తగ్గడానికి సహాయపడతాయి.