Lifestyle
చర్మ సంరక్షణలో ఆహారం పోషించే పాత్ర ఎనలేనిది. అయితే కొన్ని రకాల పండ్లు మన చర్మ సమస్యలను తగ్గించడానికి, చర్మాన్ని యవ్వనంగా ఉంచడానికి బాగా సహాయపడతాయి.
పండ్లు విటమిన్లకు, ఖనిజాలకు ఒక గొప్ప వనరు. ఇవి మన చర్మానికి ఎన్నో విధాలుగా ప్రయోజనకరంగా ఉంటాయి. అవేం పండ్లంటే?
బ్లూబెర్రీలు, బ్లాక్ బెర్రీలు, స్ట్రాబెర్రీలు, కోరిందకాయలు వంటి అన్ని రకాల బెర్రీల్లో యాంటీ ఆక్సిడెంట్లు సమృద్ధిగా ఉంటాయి. ఇవి మన చర్మాన్ని రక్షిస్తాయి.
నారింజ, ద్రాక్ష పండ్లలో విటమిన్ సి పుష్కలంగా ఉంటుంది. ఇది కొల్లాజెన్ ఉత్పత్తికి సహాయపడే శక్తివంతమైన యాంటీఆక్సిడెంట్. ఈ పండ్లను తింటే చర్మం యవ్వనంగా ఉంటుంది.
బొప్పాయి కూడా చర్మానికి మంచి మేలు చేస్తుంది. ఈ పండులో పాపైన్ అనే ఎంజైమ్ ఉంటుంది. బొప్పాయిని రెగ్యులర్ గా తీసుకోవడం వల్ల డెడ్ స్కిన్ సెల్స్ తొలగిపోతాయి చర్మం కాంతివంతంగా ఉంటుంది.
అవొకాడోలో ఆరోగ్యకరమైన కొవ్వులు మెండుగా ఉంటాయి. దీన్ని తినడం వల్ల లోపలి నుంచి చర్మాన్ని తేమగా ఉంటుంది. దీంతో మీ చర్మం గ్లో అవుతుంది.
కివి పండులో విటమిన్ ఇ, విటమిన్ కె లు ఎక్కువ మొత్తంలో ఉంటాయి. ఈ రెండు పోషకాలు మన చర్మాన్ని ఆరోగ్యంగా ఉంచేందుకు ఎంతగానో సహాయపడతాయి.