పొడిబారిన పెదాలు

చలికాలంలో పెదవులు పొడిబారి పగుళ్లు వస్తుంటాయి. ఇది ఈ సీజన్ లో సర్వసాధారణ సమస్య. అయితే కొంతమంది పొడిబారకుండా ఉండేందుకు నాలుకతో పెదాలను తడుపుతూ ఉంటారు. 
 

పొడిబారిన పెదవులు పగుళ్లు రాకుండా ఉండటానికి  కొన్ని చిట్కాలు ఎఫెక్టీవ్ గా పనిచేస్తాయి. అవేంటో ఇప్పుడు తెలుసుకుందాం.. 
 

పంచదార పెదాల పగుళ్లను దూరం చేయడానికి సహాయపడుతుంది. ఇందుకోసం చక్కెరను కొంచెం బరకగా చేసి పెదవులకు అప్లై చేసి మసాజ్ చేయాలి. దీనివల్ల పగుళ్లు ఏర్పడవు. 
 

సిట్రస్ పండ్లైన నారింజ, నిమ్మలు కూడా పెదాల పగుళ్లను తగ్గిస్తాయి. ఇందుకోసం నారింజ రసం, బాదం నూనెను కలిపి పెదవులకు రాసుకుంటే పొడిబారడం తగ్గుతుంది. 
 

పాల పొడి కూడా పెదవుల పగుళ్లను దూరంచేస్తుంది. ఇందుకోసం పాలపొడిని పెదవులకు అప్లై చేయాలి. ఇది చర్మం విచ్ఛిన్నం కాకుండా నిరోధిస్తుంది. 

రాత్రి పడుకునే ముందు కొద్దిగా కలబంద జెల్ ను పెదవులకు అప్లై చేయండి. దీనివల్ల మీ పెదవులు పొడిబారే సమస్యే ఉండదు.