Money Plant: ఈ స్ప్రే వేస్తే చాలు..మనీ ప్లాంట్ ఏపుగా పెరుగుతుంది

మనీ ప్లాంట్ ఇంటికి అందాన్ని ఇవ్వడమే కాదు, స్వచ్ఛమైన గాలిని కూడా అందిస్తుంది. సరైన పోషణ లేకపోతే మొక్క ఎదుగుదల ఆగిపోతుంది. కొన్నిసార్లు ఆకులు పసుపు రంగులోకి మారతాయి.

మనీ ప్లాంట్‌ను నేరుగా ఎండ తగిలే చోట పెట్టొద్దు. కాస్త నీడగా, వెలుతురు వచ్చే ప్రదేశంలో పెడితే మొక్క ఏపుగా పెరుగుతుంది.

మొక్కకు ఎక్కువగా నీళ్లు పోయకండి. దీనివల్ల వేర్లు కుళ్లిపోయే ప్రమాదం ఉంది. కుండీలోని మట్టి ఆరిపోయినప్పుడు మాత్రమే నీళ్లు పోయాలి.

ఎప్పటికప్పుడు మనీ ప్లాంట్ ఆకులపై ఉండే దుమ్మును తడి గుడ్డతో తుడవాలి. ఇలా చేయడం వల్ల మొక్కకు గాలి, వెలుతురు సరిగ్గా అందుతాయి.

ఒక లీటర్ నీటిలో, ఒక చెంచా చల్లార్చిన టీ డికాక్షన్‌ను కలపాలి. దానికి కొద్దిగా నిమ్మరసం కూడా జోడించి బాగా మిక్స్ చేయాలి.

ఈ మిశ్రమాన్ని ఒక స్ప్రే సీసాలో నింపండి. వారానికి రెండుసార్లు మొక్క ఆకులపై, మట్టిలో తేలికగా స్ప్రే చేయాలి. ఈ స్ప్రే మొక్కకు కావాల్సిన పోషకాలను అందించి, ఎదుగుదలను వేగవంతం చేస్తుంది.