తాటి బెల్లం తింటే.. ఆ సమస్యలన్నీ బలదూర్‌

బరువు తగ్గాలనుకుంటున్నారా అయితే తాటి బెల్లాన్ని తీసుకోవాలని నిపుణులు చెబుతున్నారు. ఇది జీవక్రియలను వేగవంతం చేసి శరీర బరువును అదుపులో ఉంచడంలో ఉపయోగపడుతుంది. 

తాటి బెల్లాన్ని రెగ్యులర్‌గా ఆహారంలో భాగం చేసుకోవడం వల్ల శ్వాసకోశ సంబంధిత సమస్యలన్నీ దూరమవుతాయని నిపుణులు చెబుతున్నారు. ముఖ్యంగా ఆస్తమా, దగ్గు సమస్యలకు బాగా పనిచేస్తుంది. 

మహిళలకు నెలసరి సమయంలో వచ్చే పొత్తి కడుపు నొప్పి, వికారం, తిమ్మిర్లు వంటి సమస్యల నుంచి ఉపశమనం లభిస్తుంది. శరీరంలో విడుదలయ్యే ఎండార్ఫిన్లు ఇందుకు తోడ్పడుతాయి. 

తాటి బెల్లంలో కాల్షియం, పొటాషియం, భాస్వరం పుష్కలంగా ఉంటుంది. ఇది ఎముకలను బలోపేతం చేయడంలో కీలక పాత్ర పోషిస్తుందని నిపుణులు చెబుతున్నారు. 

తాటి బెల్లంలో ఫైబర్‌ కంటెంట్‌ ఎక్కువగా ఉంటుంది. ఇది పేగు కదలికలు సజావుగా సాగేందుకు తోడ్పడుతుంది. భోజనం చేసిన వెంటనే ఒక ముక్క నోట్లో వేసుకుంటే జీర్ణ సంబంధిత సమస్యలన్నీ దూరమవుతాయి. 

చర్మానికి కూడా తాటిబెల్లం ఎంతో తోడ్పడుతుంది. ఇందులోని యాంటీ ఆక్సిడెంట్స్‌ చర్మంపై మొటిమలు, మచ్చలు, ముడతలు రాకుండా ఉంచడంలో కీలక పాత్ర పోషిస్తాయని నిపుణులు అంటున్నారు. 

పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.