చాణక్య నీతి: వీటిని దూరం చేస్తేనే మీకు సక్సెస్ దక్కుతుంది

కెరీర్, జీవితంలో సక్సెస్ కావాలంటే కష్టంతో పాటు కొన్ని చెడు అలవాట్లకు దూరంగా ఉండాలి. ఎందుకంటే ఒక్కోసారి ఈ చెడు అలవాట్లు మీ లక్ష్యాన్ని చేరుకోవడానికి అతి పెద్ద అడ్డంకిగా మారవచ్చు.

ఆచార్య చాణక్య తన చాణక్య నీతిలో ఇలాంటి చెడు అలవాట్ల గురించి చెప్పారు.  వేటికి దూరంగా ఉంటే సక్సెస్ దక్కుతుందో చాణక్య చెప్పారు.

ప్రతికూల ఆలోచనలు ఆత్మవిశ్వాసాన్ని దెబ్బతీస్తాయి. అప్పుడు సవాళ్లను ఎదుర్కోలేము. సానుకూల ఆలోచనల కోసం ప్రేరణాత్మక పుస్తకాలు చదవండి, సానుకూల వ్యక్తులతో సమయం గడపండి.

సోమరితనం సక్సెస్ కు అతి పెద్ద శత్రువు. మీ పెద్ద లక్ష్యాలను చిన్న చిన్న పనులుగా విభజించండి. క్రమం తప్పకుండా వ్యాయామం చేయండి, ఉత్సాహంగా ఉండండి.

అభద్రతా భావం కొత్త అవకాశాలను అందిపుచ్చుకోకుండా ఆపుతుంది. మీ బలం మీద నమ్మకం ఉంచుకోండి, మీ బలహీనతలను అంగీకరించండి, ఇతరులతో పోల్చుకోవడం మానేయండి.

అత్యాశ తప్పుడు మార్గాలకు దారితీస్తుంది. విజయాన్ని ఒక సాధనంగా భావించండి.

కోపం ఆలోచనా శక్తిని నాశనం చేస్తుంది. సంబంధాలలో కూడా కష్టాలు తెస్తుంది. కోపాన్ని నియంత్రించుకోవడానికి ధ్యానం, వ్యాయామాలు చేయండి.

అహంకారం నేర్చుకోవడానికి, ఇతరుల మాటలు వినడానికి అడ్డుపడుతుంది. వినయంగా ఉండండి, ఇతరుల దృక్కోణాన్ని గౌరవించండి.

చాణక్య నీతి ప్రకారం మంచి అలవాట్లు, సానుకూల దృక్పథమే విజయానికి మార్గం.