కడుపంతా ఉబ్బరంగా ఉంటుందా? ఇలా చేస్తే వెంటనే రిజల్ట్

గ్యాస్‌ సమస్యకు ఇట్టే పరిష్కారం కల్పించడంలో మజ్జిగ ఉపయోగపడుతుంది. మజ్జిగలో కొత్తిమీర వేసుకొని తాగితే కడుపులో గ్యాస్‌ తగ్గి హాయిగా ఉంటుంది. 
 

భోజనం చేసిన వెంటనే నోటిలో ఒక లవంగం వేసుకొని చప్పరించాలి. ఇలా చేస్తే గ్యాస్‌ సమస్య అనేది దరి చేరకుండా ఉంటుంది. 

కడుపు సమస్యలను దూరం చేయడంలో జీలకర్ర కూడా బెస్ట్ ఆప్షన్‌. రాత్రంతా నీటిలో జీలకర్రను నానబెట్టి ఉదయాన్నే నీటిని తాగితే కడుపు సంబంధిత సమస్యలన్నీ దూరమవుతాయి. 

జీర్ణ సంబంధిత సమస్యలను దూరం చేయడంలో అరటి పండు ఉపయోగపడుతుంది. రాత్రి పడుకునే ముందు ఒక అరటి పండు తింటే ఎంతో మేలు జరుగుతుంది. 
 

రోజు ఉదయాన్నే పరగడుపున గోరు వెచ్చని నీటిలో నిమ్మరసం కలుపుకొని తీసుకుంటే గ్యాస్, కడుపుబ్బరం వంటి సమస్యలు తగ్గుతాయి. 
 

పుదీనాతో చేసిన టీ తాగితే కూడా కడుపు సమస్యలు దరిచేరవు. రోజు ఉదయాన్నే పుదీనా టీ తాగే కడుపు హాయిగా ఉంటుంది. 

ఈ వివరాలు ప్రాథమిక సమాచారం మేరకు మాత్రమే. ఒకవేళ కడుపు నొప్పి అధికంగా ఉంటే వైద్యులను నేరుగా సంప్రదించడమే ఉత్తమం.