నిద్రలో చెమటలు పడుతున్నాయా? అలర్ట్‌ అవ్వకపోతే అంతే సంగతులు

రాత్రుళ్లు అకారణంగా చెమటలు పడుతుంటే హైపర్‌ టెన్షన్‌తో బాధపడుతున్నారని అర్థం చేసుకోవాలి. రక్తపోటు అధికంగా ఉన్న వారిలోనూ ఈ సమస్య వస్తుంది. కాబట్టి వెంటనే బీపీ చెక్‌ చేసుకోవాలి. 
 

ఏదో తెలియని ఒత్తిడి, ఆందోళనతో బాధపడుతుంటే కూడా ఇలా చెమటలు పడుతుంటాయి. దీర్ఘకాలంలో ఇది తీవ్ర సమస్యలకు దారి తీసే అవకాశాలు ఉంటాయని నిపుణులు అంటున్నారు. 

హెచ్‌ఐవీ, టీబీ, లుకేమియా వంటి ప్రమాదకర సమస్యలతో బాధపడుతున్న వారిలో శరీంలో ఉన్నపలంగా ఉష్ణోగ్రత పెరుగుతుంది. ఇది కూడా రాత్రుళ్లు చెమటలు పట్టడానికి కారణమవుతుంది. 

హైపర్‌ థైరాయిడిజం వల్ల శరీరం ఒక్కసారిగా వేడెక్కుతుంది. ఈ కారణంగా కూడా రాత్రుళ్లు చెమటలు ఎక్కువగా వస్తాయి. ఈ లక్షణం కనిపిస్తే వెంటనే థైరాయిడ్ పరీక్ష చేయించుకోవాలి. 
 

40 ఏళ్లు దాటిన మహిళల్లో ఈ సమస్య కనిపిస్తే వారు మనోపాజ్‌కు చేరువవుతున్నారని అర్థం చేసుకోవాలి. వైద్యుల సూచనల మేరకు జీవన విధానంలో మార్పులు చేసుకోవాలి. 

కెఫీన్‌ ఎక్కువగా పదార్థాలు తీసుకునే వారిలో కూడా రాత్రుళ్లు చెమటలు పట్టే అవకాశం ఉంటుంది. కాబట్టి కెఫీన్‌కు దూరంగా ఉండాలి. 
 

ఈ వివరాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.