పెరుగుతో జుట్టు ఇలా బలంగా పొడవుగా పెంచుకోవచ్చు

పెరుగుతో చేసిన హెయిర్ మాస్క్‌ ను  వాడితే జుట్టు బాగా పెరుగుతుంది. జుట్టు కుదుళ్ల నుంచి మంచి పోషణ అందుతుంది. జుట్టు మృదువుగా అవుతుంది.

పెరుగులో ఉండే లాక్టిక్ యాసిడ్ తలపై ఉన్న చర్మాన్ని శుభ్రపరుస్తుంది. మురికి, అదనపు నూనెను తొలగిస్తుంది.

ఒక గుడ్డులోని తెల్లసొన తీసుకుని, కొద్దిగా పెరుగు కలిపి తలకు బాగా పట్టించాలి. 20 నిమిషాల పాటు అలా ఉంచి తరువాత శుభ్రపరుచుకోవాలి.

అరకప్పు పెరుగులో ఒక టీస్పూన్ శనగపిండి, ఒక టీస్పూన్ ఆలివ్ ఆయిల్ వేసి బాగా కలిపి తలకు పట్టించి, 15 నిమిషాల తర్వాత షాంపూతో కడిగేయాలి.

ఒక కప్పు పెరుగులో, 2 టీస్పూన్ల ఉసిరి పొడిని వేసి బాగా కలపాలి. ఆ తర్వాత జుట్టుకు పట్టించి 10 నిమిషాలు ఉంచి ఆరిన తర్వాత కడిగేయాలి.

రెండు స్పూన్ల నిమ్మరసంలో కొద్దిగా పెరుగు కలిపి తలకు బాగా పట్టించాలి. తర్వాత షాంపూతో తలస్నానం చేయాలి.

పెరుగును తలకు రాసుకుంటే సరిపోదూ… ప్రతి రోజు కప్పు పెరుగు తినడం కూడా చాలా అవసరం.