టెర్రస్‌పై చిలగడదుంప సాగు.. అదీ ఆర్గానిక్ పద్దతిలో

మన ఇంటి టెర్రస్‌పై గ్రో బ్యాగుల్లో చిలగడదుంపల్ని చాలా సులభంగా పెంచుకోవచ్చు. వీటికి పెద్దగా ఖర్చు పెట్టాల్సిన పనిలేదు, పైగా రోగనిరోధక శక్తి కూడా ఎక్కువే.

దుంపలు భూమిలోకి పెరగాలి కాబట్టి, 16x16 అంగుళాల సైజు లేదా అంతకంటే పెద్ద బ్యాగులు వాడాలి. మట్టి ఎప్పుడూ వదులుగా ఉండాలి, అప్పుడే దుంపలు బాగా కిందకు పెరుగుతాయి.

పైమట్టి, పశువుల ఎరువు, కొబ్బరి పొట్టు సమానంగా కలిపి బ్యాగులో ముప్పావు వంతు నింపాలి. మార్కెట్ లేదా నర్సరీ నుంచి తెచ్చిన ఆరోగ్యకరమైన తీగల్ని నాటాలి.

తీగల్ని 20-30 సెంటీమీటర్ల పొడవుతో (సుమారు 3-4 కణుపులు ఉండేలా) ముక్కలుగా కట్ చేసుకోవాలి. కింది భాగంలో ఉన్న 1-2 ఆకుల్ని తీసేయాలి. రెండు కణుపులు మట్టిలోకి వెళ్లేలా నాటాలి.

ఒక పెద్ద గ్రో బ్యాగులో గరిష్ఠంగా రెండు లేదా మూడు తీగలు మాత్రమే నాటండి. చిలగడదుంపలకు మంచి సూర్యరశ్మి అవసరం.

మొదట్లో తీగలు వేర్లు పట్టుకునే వరకు రోజూ నీళ్లు పోయాలి. తీగలు పాకిన తర్వాత, మట్టి ఆరిపోవడాన్ని బట్టి (2-3 రోజులకు ఒకసారి) నీళ్లు పోస్తే సరిపోతుంది.

నాటిన 3.5 నుంచి 4 నెలల్లో చిలగడదుంపలు పంట కోతకు సిద్ధమవుతాయి. మొక్క ఆకులు పసుపు రంగులోకి మారడం దీనికి సంకేతం.