దానిమ్మపండు

దానిమ్మ పోషకాలకు మంచి వనరు. ఈ పండ్లను క్రమం తప్పకుండా తినడం వల్ల మనం ఎన్ో అనారోగ్య సమస్యలను దూరం చేసుకోవచ్చు. 
 

మూత్రపిండాల రాళ్లతో బాధపడేవారికి దానిమ్మ పండ్లు ఎంతో ప్రయోజనకరంగా ఉంటాయని ఎన్నో అధ్యయనాలు వెల్లడిస్తున్నాయి. ఈ పండ్లు స్టోన్స్ ను తగ్గించడానికి సహాయపడతాయి. 
 

క్యాన్సర్ ప్రాణాంతక వ్యాధి. ఈ వ్యాధిని వీలైనంత తొందరగా గుర్తిస్తే మన ఆరోగ్యానికి ఏ ప్రమాదం ఉండదు. అయితే దానిమ్మ పండ్లకు క్యాన్సర్ తో పోరాడే గుణం ఉంటుందని నిపుణులు చెబుతున్నారు. 
 

ప్రోస్టేట్, రొమ్ము, ఊపిరితిత్తులు, పురీషనాళం వంటి ప్రాంతాలను ప్రభావితం చేసే క్యాన్సర్లతో పోరాడేందుకు దానిమ్మ సహాయపడుతుందని పలు అధ్యయనాలు చెబుతున్నాయి.
 

దానిమ్మ మన శరీరానికి కావాల్సిన పోషకాలను అందించడమే కాకుండా గుండెను ఆరోగ్యంగా ఉంచేందుకు కూడా సహాయడపుతుంది. దానిమ్మలో ఉండే పాలీఫెనాల్స్ ఇందుకు సహాయపడతాయి. 
 

దానిమ్మ పండ్లను క్రమం తప్పకుండా తినడం వల్ల మెదడు ఆరోగ్యం మెరుగుపడుతుంది. అలాగే భవిష్యత్తులో మెదడుకు సంబంధించిన సమస్యలు వచ్చే అవకాశం కూడా తగ్గుతుంది. .