కాలీఫ్లవర్‌లో క్యాలరీలే కాదు కార్బోహైడ్రేట్లు కూడా చాలా తక్కువగా ఉంటాయి. ఈ కూరగాయ బరువు తగ్గాలనుకునేవారికి ఎంతగానో సహాయపడుతుంది. 
 

ఈ కూరగాయలో గ్లూకోసినోలేట్స్ , రోటినాయిడ్స్‌తో పాటుగా శక్తివంతమైన యాంటీఆక్సిడెంట్లు కూడా ఉంటాయి.ఈ సమ్మేళనాలు కణాలను ఆక్సీకరణ ఒత్తిడిని, క్యాన్సర్ ప్రమాదాన్ని తగ్గిస్తాయి.
 

క్యాలీఫ్లవర్‌లో ఉండే ఫైబర్, యాంటీఆక్సిడెంట్లు మన గుండెను ఆరోగ్యంగా ఉంచుతాయి. ఫైబర్ కొలెస్ట్రాల్ స్థాయిలను తగ్గిస్తుంది. యాంటీఆక్సిడెంట్లు గుండె జబ్బుల ప్రమాదాన్ని తగ్గిస్తాయి.
 

కాలీఫ్లవర్‌లో పొటాషియం పుష్కలంగా ఉంటుంది. ఇది అధిక రక్తపోటును నియంత్రించడానికి ఎంతో సహాయపడుతుంది. అందుకే ఈ కూరగాయను హైబీపీ పేషెంట్లు తినాలని ఆరోగ్య నిపుణులు చెబుతున్నారు.
 

కాలీఫ్లవర్‌లో ఫైబర్ కంటెంట్ ఎక్కువగా ఉంటుంది. ఇది ప్రేగు కదలికలకు సహాయపడుతుంది. ఈ కూరగాయను తింటే మలబద్ధకం సమస్య ఉండదు. జీర్ణ సమస్యలు కూడా తగ్గిపోతాయి.