నారింజ పండ్లు విటమిన్ సి కి మంచి వనరులు. ఈ పండ్లను ప్రతిరోజూ తినడం వల్ల మీ రోగనిరోధక శక్తి పెరుగుతుంది. దీంతో మీరు ఎన్నో రోగాలకు దూరంగా ఉంటారు.
 

ఫైబర్ కంటెంట్ ఎక్కువగా ఉండే నారింజ పండ్లను తినడం వల్ల మలబద్దకం సమస్య తగ్గిపోతుంది. ఈ పండ్లు జీర్ణక్రియను మెరుగుపరచడానికి కూడా సహాయపడుతాయి.
 

నారింజ పండ్లలో వాటర్ కంటెంట్ పుష్కలంగా ఉంటుంది.  ఇది నిర్జలీకరణాన్ని నివారించడానికి సహాయపడుతుంది.

యాంటీ ఆక్సిడెంట్స్ పుష్కలంగా ఉండే నారింజ పండ్లను రెగ్యులర్ గా తినడం వల్ల మెదడు ఆరోగ్యం బాగుంటుంది. పనితీరు కూడా మెరుగుపడుతుంది. 
 

ఫైబర్, పొటాషియం ఎక్కువగా ఉండే నారింజ పండ్లను క్రమం తప్పకుండా తినడం వల్ల గుండె ఆరోగ్యం మెరుగుపడుతుంది. గుండె జబ్బులొచ్చే ప్రమాదం తప్పుతుంది. 
 

విటమిన్ సి, ఇతర పోషకాలు సమృద్ధిగా ఉండే నారింజ పండ్లు కంటి ఆరోగ్యానికి కూడా ప్రయోజనకరంగా ఉంటాయి. 

చర్మంలో కొల్లాజెన్ ఉత్పత్తికి విటమిన్ సి చాలా  చాలా అవసరం. ఇది ముఖానికి స్థితిస్థాపకతను ఇచ్చి చర్మం మెరిసేలా చేస్తుంది. ఈ పండ్లు చర్మాన్ని తేమగా ఉంచుతాయి.