ఓట్స్ లో ఫైబర్ తో పాటుగా యాంటీఆక్సిడెంట్లు పుష్కలంగా ఉంటాయి. వీటిని రెగ్యులర్ గా తినడం వల్ల శరీరంలోని చెడు కొలెస్ట్రాల్ కరుగుతుంది. దీంతో మీ గుండె ఆరోగ్యంగా ఉంటుంది. 
 

ఓట్స్ లో మెగ్నీషియం మంచి మొత్తంలో ఉంటుంది. ఇది అధిక రక్తపోటును తగ్గించడానికి సహాయపడుతుంది. అందుకే హైబీపీతో బాధపడేవారు వీటిని ఎంచక్కా తినొచ్చు. 
 

మధుమేహులకు కూడా ఓట్స్ ఎంతో ప్రయోజనకరంగా ఉంటుంది. ఓట్స్ లో ఉండే ఫైబర్ కంటెంట్ రక్తంలో చక్కెర స్థాయిలను నియంత్రించడానికి సహాయపడుతుంది. 
 

ఓట్స్ ను తినడం వల్ల మలబద్దకం సమస్య నుంచి ఉపశమనం కలుగుతుంది. అలాగే వీటిలో ఉండే ఫైబర్ జీర్ణవ్యవస్థను మెరుగుపర్చడానికి సహాయపడుతుంది. 
 

పలు అధ్యయనాల ప్రకారం.. ఓట్స్ ను తింటే కొన్నిరకాల క్యాన్యర్లు వచ్చే ప్రమాదం తగ్గుతుంది. 
 

ఓట్స్ లో పుష్కలంగా ఉండే ఫైబర్ కంటెంట్ ఆకలిని తగ్గిస్తుంది. అలాగే కడుపును ఎక్కువ సేపు నిండుగా ఉంచుతుంది. దీంతో మీరు చాలా త్వరగా బరువు తగ్గుతారు.