ఒకప్పుడు పంట పొలాల గట్టున జీడిచెట్లు కనిపించేవి. ఇప్పుడూ చెట్టు చూద్దామన్నా కనిపించడం లేదు. నిజం చెప్పాలంటే ఈ జీడిపప్పులే కాదు జీడి పండు కూడా మన ఆరోగ్యానికి ఎంతో మేలు చేస్తాయి. 
 

జీడిపండులో విటమిన్ సి, విటమిన్ బి వంటి విటమిన్లు పుష్కలంగా ఉంంటాయి. విటమిన్ బి కాంప్లెక్స్ శక్తి ఉత్పత్తికి, నాడీ వ్యవస్థ పనితీరుకు చాలా అవసరం.
 

జీడిపండులో యాంటీ ఆక్సిడెంట్లు ఎక్కువ మొత్తంలో ఉంటాయి. ఇవి ఆక్సీకరణ ఒత్తిడిని తగ్గిస్తాయి. అలాగే కణాలను దెబ్బతినకుండా కాపాడుతాయి. దీర్ఘకాలిక వ్యాధుల ప్రమాదాల్ని కూడా తగ్గిస్తాయి. 

జీడిపండులో పుష్కలంగా ఉండే విటమిన్ సి మన రోగనిరోధక శక్తిని పెంచుతుంది. శరీరానికి ఇన్ఫెక్షన్లు, వైరస్‌లు, సాధారణ అనారోగ్యాలు సోకకుండా రక్షిస్తుంది. 
 

జీడిపండులో పొటాషియం, డైటరీ ఫైబర్ వంటి గుండెకు అనుకూలమైన పోషకాలు ఉంటాయి. ఇవి రక్తపోటు స్థాయిలను నియంత్రణలో ఉంచుతాయి. 
 

జీడిపప్పులో ఉండే డైటరీ ఫైబర్ ఆరోగ్యకరమైన జీర్ణక్రియను ప్రోత్సహిస్తుంది. మలబద్ధకాన్ని తగ్గిస్తుంది. అంతేకాదు జీర్ణవ్యవస్థ బాగా పనిచేయడానికి కూడా సహాయపడుతుంది. 
 

జీడిపండులో ఉండే విటమిన్లు, యాంటీ ఆక్సిడెంట్లు, ఖనిజాలు మన చర్మాన్ని, జుట్టును ఆరోగ్యంగా ఉంచుతాయి.ఈ పండులోని హైడ్రేటింగ్ లక్షణాలు మీ చర్మాన్ని తేమగా, కాంతివంతంగా చేస్తాయి.