Lifestyle
చక్కెర మన ఆరోగ్యానికి ఏ మాత్రం మంచిది కాదు. చక్కెరను మోతాదుకు మించి తింటే ఎన్నో రోగాలు వస్తాయి. జుట్టు కూడా ఊడిపోయే ప్రమాదం ఉంది. అందుకే వీటిని మితంగానే తీసుకోవాలి.
ప్రాసెస్ చేసిన ఆహారాల్లో మన శరీరానికి అవసరమైన పోషకాలు ఉండవు.ఈ ఆహారాల్లో అనారోగ్యకరమైన కొవ్వులు, చక్కెర, ఉప్పు లు ఎక్కువగా ఉంటాయి. ఇవి జుట్టు రాలేలా చేస్తాయి.
ఫాస్ట్ ఫుడ్, ఫ్రైడ్ ఫుడ్స్ లో అనారోగ్యకరమైన కొవ్వులు ఎక్కువగా ఉంటాయి. అలాగే వీటిలో జుట్టుకు అవసరమైన పోషకాలు ఉండవు. వీటిని ఎక్కువగా తింటే బరువు పెరగడం, హెయిర్ ఫాల్ సమస్యలొస్తాయి.
ఆల్కహాల్ ను ఎక్కువగా తాగడం వల్ల తలతో సహా శరీరం మొత్తం డీహైడ్రేట్ అవుతుంది. డీహైడ్రేటెడ్ హెయిర్ ఫోలికల్స్ తెగిపోవడానికి, జుట్టు రాలడానికి కారణమవుతుంది.
మితిమీరిన కెఫిన్ వినియోగం నిర్జలీకరణానికి దారితీస్తుంది. అలాగే జుట్టు ఆరోగ్యాన్ని దెబ్బతీస్తుంది. అందుకే కెఫిన్ ను ఎక్కువగా తీసుకోకూడదు.
జుట్టు ఆరోగ్యానికి విటమిన్ ఎ అవసరమే. అయితే సప్లిమెంట్స్ లేదా జంతు ఆధారిత మూలాల నుంచి దీన్ని ఎక్కువగా తీసుకోవడం జుట్టు రాలడానికి దారితీస్తుంది.
తగినంత ప్రోటీన్ ను తీసుకోకపోవడం వల్ల జుట్టు బలహీనంగా, పెళుసుగా మారుతుంది. మాంసకృత్తులు ఎక్కువగా లేని ఆహారం వల్ల జుట్టు సన్నబడటమే కాకుండా రాలిపోయే అవకాశం కూడా ఉంది.