పరిగడుపున కడుపుతో పండ్లను తినడం వల్ల జీర్ణక్రియ మెరుగుపడుతుంది. పోషకాల శోషణకు ప్రయోజనం చేకూరుతుంది. ఇందుకోసం పరిగడుపున ఎలాంటి పండ్లను తినాలంటే? 

యాపిల్స్ డైటరీ ఫైబర్, యాంటీ ఆక్సిడెంట్లకు మంచి మూలం. ఖాళీ కడుపుతో యాపిల్స్ ను తినడం వల్ల రక్తంలో చక్కెర స్థాయిలు నియంత్రణలో ఉంటాయి. అలాగే జీర్ణక్రియ మెరుగ్గా ఉంటుంది. 
 

బెర్రీల్లో కేలరీలు తక్కువగా ఉంటాయి. వీటిలో విటమిన్లు, యాంటీఆక్సిడెంట్లు ఎక్కువగా ఉంటాయి. పరిగడుపున బెర్రీలను తినడం వల్ల గుండె ఆరోగ్యం, అభిజ్ఞా పనితీరు మెరుగుపడుతుంది.
 

పుచ్చకాయలో వాటర్ కంటెంట్ ఎక్కువగా ఉంటుంది. వీటిలో లైకోపీన్ వంటి యాంటీఆక్సిడెంట్లు ఉంటాయి. పరిగడుపున దీన్ని తినడం వల్ల మీ శరీరం హైడ్రేట్ గా ఉంటుంది. రీఫ్రెష్ గా ఉంటారు. 
 

బొప్పాయిలో పపైన్ అనే ఎంజైమ్ ఉంటుంది. ఇది జీర్ణక్రియకు సహాయపడుతుంది. బొప్పాయిని పరిగడుపున తినడం వల్ల జీర్ణక్రియ మెరుగుపడుతుంది. ప్రేగు కదలికలను క్రమబద్ధీకరించొచ్చు.
 

నారింజలు విటమిన్ సి, ఫైబర్ కు అద్భుతమైన మూలం. పరిగడుపున నారింజను తినడం వల్ల మీ రోగనిరోధక వ్యవస్థ బలపడుతుంది. జీర్ణక్రియకు సహాయపడుతుంది. మీ శక్తిని పెంచుతుంది.