Lifestyle
ఒత్తిడి మానసిక ఆరోగ్యాన్నే కాదు శారీరక ఆరోగ్యాన్ని కూడా దెబ్బతీస్తుంది. అందుకే ఒత్తిడి లేకుండా ఉండటానికి ప్రయత్నించాలి.
పండ్లు, కూరగాయలు, తృణధాన్యాలు, లీన్ ప్రోటీన్లు, ఆరోగ్యకరమైన కొవ్వులు సమృద్ధిగా ఉండే సమతుల్య ఆహారాన్ని తీసుకోండి.
శారీరక శ్రమ మన మానసిక స్థితిని మెరుగ్గా ఉంచే ఎండార్ఫిన్‌లను విడుదల చేస్తుంది. ఇందుకోసం వాకింగ్, యోగా, జాగింగ్ లేదా మీకు ఆనందం కలిగించే ఏదైనా కార్యకలాపాల్లో పాల్గొనండి.
మిమ్మల్ని మీరు నియంత్రించుకోవడానికి, క్షణంలో ఒత్తిడిని తగ్గించుకోవడానికి మైండ్‌ఫుల్‌నెస్ పద్ధతులు, ధ్యానం లేదా లోతైన శ్వాస వ్యాయామాల్లో పాల్గొనండి.
స్నేహితులు, కుటుంబ సభ్యులతో రోజూ కాస్త సమయం గడపండి. మీ ఆలోచనలను, భావాలను పంచుకోవడం వల్ల మీ మానసిక స్థితి మెరుగ్గా ఉంటుంది. ఒత్తిడిని దూరం చేస్తుంది.
చదవడం, తోటపని చేయడం, పెయింటింగ్ వేయడం, పాటలు వినడం వంటి అలవాట్లు మీ ఒత్తిడిని తగ్గిస్తాయి. ఇందుకోసం మీకు ఇష్టమైన పనులను చేయండి.
నిద్రకు ప్రాధాన్యతనివ్వండి. అలాగే రోజూ ఒకే సమయానికి పడుకోవడం, లేవడం అలవాటు చేసుకోండి. నిద్ర మీ శరీరం, మనస్సును ఆరోగ్యంగా ఉంచుతుంది. చురుగ్గా చేస్తుంది. ఒత్తిడిని తగ్గిస్తుంది.