Lifestyle
అరటిపండ్లలో ఉండే అమైనో ఆమ్లం 'ట్రిప్టోఫాన్' 'సెరోటోనిన్' ఉత్పత్తికి పోషణనిస్తుంది. ఇది మీ మానసిక ఆరోగ్యాన్ని ప్రభావితం చేస్తుంది. అరటిపండ్లు మీకు తక్షణ శక్తిని కూడా ఇస్తాయి.
యాంటీ ఆక్సిడెంట్లు పుష్కలంగా ఉన్న డార్క్ చాక్లెట్ ఒత్తిడిని తగ్గించడానికి సహాయపడుతుంది. ఇది మన మానసిక ఆరోగ్యాన్ని రక్షించడానికి కూడా సహాయపడుతుంది.
రోజూ గుప్పెడు గింజలను తింటే మీ ఆరోగ్యం బేషుగ్గా ఉంటుంది. గింజల్లో ఉండే ఆరోగ్యకరమైన కొవ్వులు, ప్రోటీన్లు, ఫైబర్, విటమిన్-ఇ మీ మెదడు ఆరోగ్యాన్ని కాపాడతాయి.
పండ్లు, కూరగాయల్లో పోషకాలు పుష్కలంగా ఉంటాయి. విటమిన్లు, ఫైబర్, మినరల్స్ సమృద్ధిగా ఉండే ఇవి మానసిక ఆరోగ్యానికి కూడా ఎంతో మేలు చేస్తాయి.
సాల్మన్ వంటి ఒమేగా -3 కొవ్వు ఆమ్లాలు ఎక్కువగా ఉండే ఆహారాలు మానసిక ఆరోగ్యానికి కూడా మంచివి. ఇవి మెదడు ఆరోగ్యానికి ఎంతో మేలు చేస్తాయి.
పసుపును మీ ఆహారంలో చేర్చుకోవడం వల్ల మీ మానసిక ఆరోగ్యం బాగుంటుంది. పసుపులో ఉండే కర్కుమిన్ దీనికి సహాయపడుతుంది. ఇది ఎన్నో అనారోగ్య సమస్యలను కూడా నయం చేస్తుంది.
పాలు, గుడ్లు వంటి ప్రోటీన్ ఎక్కువగా ఉండే ఆహారం మీ శారీరక ఆరోగ్యాన్నే కాదు.. మానసిక ఆరోగ్యాన్ని కూడా మెరుగుపరుస్తుంది. ఇవి మీ శరీరానికి కావాల్సిన పోషకాలను అందిస్తాయి.
యాంటీ ఆక్సిడెంట్స్ పుష్కలంగా ఉండే గ్రీన్ టీ మానసిక ఆరోగ్యానికి కూడా ఎంతో మేలు చేస్తుంది. గ్రీన్ టీని తాగడం వల్ల మీరు బరువు కూడా తగ్గే అవకాశం ఉంది.