Lifestyle
చెర్రీ జ్యూస్ లో పోషకాలు పుష్కలంగా ఉంటాయి. అయితే ఈ జ్యూస్ లో మనలకు నిద్రపట్టేలా చేసే మెలటోనిన్ అనే పదార్థం కూడా ఎక్కువగా ఉంటుంది. చెర్రీ జ్యూస్ ను రెగ్యులర్ గా తాగితే నిద్రపడుతుంది
అరటి పండ్లు కూడా కంటినిండా నిద్రపోవడానికి సహాయపడతాయి. ఈ పండ్లలో మెగ్నీషియం, పొటాషియం పుష్కలంగా ఉంటాయి. ఇవి మనకు బాగా నిద్రవచ్చేలా చేస్తాయి. వీటిని తింటే ప్రశాంతంగా పడుకుంటారు.
కివీలో మంచి పోషకాల బాంఢాగారం. దీనిలో యాంటీ ఆక్సిడెంట్లు పుష్కలంగా ఉంటాయి. వీటిని తిన్నా కూడా మీరు రాత్రిళ్లు కంటినిండా నిద్ర పోతారు.
పాలు సంపూర్ణ ఆహారం. వీటితో మన శరీరానికి కావాల్సిన ఎన్నో పోషకాలు అందుతాయి. అయితే ప్రతిరోజూ రాత్రి పడుకునే ముందు ఒక గ్లాసు వేడి పాలను తాగితే తొందరగా నిద్ర పడుతుంది.
డార్క్ చాక్లెట్ లను ఇష్టపడనివారుండరు. నిజానికి ఇవి మన ఆరోగ్యానికి కూడా ఎంతో మేలు చేస్తాయి. అయితే వీటిలో సెరోటోనిన్ ఉంటుంది. ఇది మనకు బాగా నిద్రపట్టడానికి సహాయపడుతుంది.
బాదంలో ఎన్నో రకాల పోషకాలుంటాయి. అయితే దీనిలో ఉండే మెగ్నీషియం నిద్రను కలిగించే మెలటోనిన్ ఉత్పత్తిని నియంత్రిస్తుంది. ఇది మీరు నిద్రపోవడానికి సహాయపడుతుంది.
వాల్ నట్స్ కూడా మన ఆరోగ్యానికి ఎంతో ప్రయోజనకరంగా ఉంటాయి. వీటిలో ఉండే ఒమేగా-3 ఫ్యాటీ యాసిడ్స్ మనం ప్రశాంతంగా నిద్రపోవడానికి సహాయపడతాయి.
కాల్చిన గుమ్మడికాయ గింజలు కూడా మీరు బాగా నిద్రపోవడానికి సహాయపడతాయి. ఇందులో ఉండే ట్రిప్టోఫాన్, మెగ్నీషియం, జింక్ మెలటోనిన్ ఉత్పత్తిని పెంచుతాయి.