రోగనిరోధక శక్తిని పెంచే ఆహారాలు ఇవి

నిమ్మకాయ, నారింజ, ద్రాక్షపండ్లు వంటి సిట్రస్ పండ్లలో విటమిన్ సి పుష్కలంగా ఉంటుంది. ఇది రోగనిరోధక శక్తిని పెంచే లక్షణాలను కలిగి ఉంటుంది. ఇదొక శక్తివంతమైన యాంటీ ఆక్సిడెంట్.
 

స్ట్రాబెర్రీలు, బ్లూబెర్రీలు, రాస్ బెర్రీలు వంటి బెర్రీలలో యాంటీఆక్సిడెంట్లు, విటమిన్లు, ఫైబర్ పుష్కలంగా ఉంటాయి. ఇది రోగనిరోధక వ్యవస్థను బలంగా ఉంచుతుంది. 
 

వెల్లుల్లిలో అల్లిసిన్ ఉంటుంది. ఇది యాంటీమైక్రోబయల్ లక్షణాలను కలిగి ఉంటుంది. మీ రోజువారి ఆహారంలో వెల్లుల్లిని చేర్చుకోవడం వల్ల మీ ఇమ్యూనిటీ పవర్ పెరుగుతుంది. 
 

విటమిన్లు, ఖనిజాలు పుష్కలంగా ఉండే బచ్చలికూర మన ఆరోగ్యానికి ఎంతో ప్రయోజనకరంగా ఉంటుంది. దీనిలో రోగనిరోధక పనితీరుకు మద్దతునిచ్చే బీటా కెరోటిన్, విటమిన్ సి లు కూడా ఉంటాయి. 

అల్లం యాంటీ ఇన్‌ఫ్లమేటరీ, యాంటీ ఆక్సిడెంట్ లక్షణాలను కలిగి ఉంటుంది. ఇది మీ రోగనిరోధక వ్యవస్థకు మద్దతునిస్తూనే ఆహారాలను టేస్టీగా చేస్తుంది. 
 

బాదంపప్పులు విటమిన్ ఇ కి మంచి వనరులు. ఇది శక్తివంతమైన యాంటీఆక్సిడెంట్. ఇది మన ఇమ్యూనిటీ పవర్ ను పెంచడానికి ఎంతో సహాయపడుతుంది. 
 

పసుపులోని క్రియాశీల సమ్మేళనం కర్కుమిన్. ఇది యాంటీ ఇన్ఫ్లమేటరీ, యాంటీఆక్సిడెంట్ లక్షణాలను కలిగి ఉంటుంది. పసుపు మన ఇమ్యూనిటీ పవర్ ను కూడా పెంచుతుంది.