కివీ పండు

ఆరోగ్యకరమైన పండ్లలో కివీ ఒకటి. ఈ పండ్లలో విటమిన్లు, ఖనిజాలు పుష్కలంగా ఉంటాయి. అంతేకాదు ఈ పండులో యాంటీఆక్సిడెంట్లు కూడా ఉంటాయి.
 

కివీ పండులో అధిక రక్తపోటును తగ్గించే లక్షణాలు కూడా ఉన్నాయని పలు అధ్యయనాలు కనుగొన్నాయి. ఈ పండును తింటే హైబీపీ నార్మల్ అవుతుంది.
 

కివీ పండును తింటే గుండెపోటు, స్ట్రోక్ వంటి గుండె జబ్బులు వచ్చే ప్రమాదం తగ్గుతుందని నిపుణులు చెబుతున్నారు. ఈ పండులు చెడు కొలెస్ట్రాల్ ను తగ్గించి గుండెను ఆరోగ్యంగా ఉంచుతుంది. 
 

కివీ పండులో ఫైబర్ కంటెంట్ ఉంటుంది. ఇది మలబద్దకాన్ని తగ్గించడానికి, జీర్ణసమస్యలు రాకుండా ఉండటానికి సహాయపడుతుంది. 
 

100 గ్రాముల కివీ పండులో 3 గ్రాముల డైటరీ ఫైబర్ కంటెంట్ ఉంటుంది. కివీలో కరిగే ఎంజైమ్ కూడా ఉంటుంది. ఇది మనల్ని ఆరోగ్యంగా ఉంచుతుంది. 

కివీ పండులోని ఫైబర్స్ తో పాటుగా ఫైటోకెమికల్స్ కూడా ఉంటాయి. ఇవి కడుపు, ప్రేగు, పెద్దప్రేగు క్యాన్సర్లను నివారించడానికి సహాయపడతాయి.
 

కివీ పండులో సెరోటోనిన్ అనే సమ్మేళనం ఎక్కువగా ఉంటుంది. ఇది మానసిక స్థితిని మెరుగుపరుస్తుంది. నిద్రలేమి సమస్య నుంచి ఉపశమనం కలిగిస్తుంది.