Lifestyle
జుట్టు రాలడమనేది స్త్రీ పురుషులు ఇద్దరూ ఎదుర్కొనే అత్యంత సర్వ సాధారణ సమస్యల్లో ఒకటి. వెంట్రుకలు రాలడానికి ఎన్నో కారణాలు ఉంటాయి.
ఆరోగ్యకరమైన ఆహారాలు మన శరీరాన్ని ఆరోగ్యంగా ఉంచడమే కాకుండా జుట్టు రాలడాన్ని కూడా చాలా వరకు తగ్గిస్తాయి. ఇందుకోసం ఏమేం తినాలో ఇప్పుడు తెలుసుకుందాం..
వాల్ నట్స్ లో విటమిన్ బి1, బయోటిన్, విటమిన్ బి6 లతో పాటుగా ప్రోటీన్, పొటాషియం పుష్కలంగా ఉంటాయి. వీటిని తింటే మీ జుట్టు రాలడం తగ్గుతుంది.
జుట్టు రాలడాన్ని నివారించడానికి బచ్చలికూర కూడా ఎంతో సహాయపడుతుంది. ఎందుకంటే దీనిలో ఫోలేట్, ఐరన్, విటమిన్ ఎ, విటమిన్ సి వంటి విటమిన్లు, పోషకాలు పుష్కలంగా ఉంటాయి.
గుడ్డు పచ్చసొన జుట్టుకు ఎంతో ప్రయోజనకరంగా ఉంటుంది. ఎందుకంటే గుడ్డులో ఉండే పోషకాలు జుట్టు పెరుగుదలకు ఎంతో ఉపయోగపడతాయి.
చిలగడదుంప మన ఆరోగ్యానికి ఎంతో ప్రయోజనకరంగా ఉంటుంది. అలాగే ఇది మన జుట్టుకు కూడా మేలు చేస్తుంది. దీనిలో ఉండే విటమిన్ ఎ, బీటా కెరోటిన్ జుట్టు పెరుగుదలకు సహాయపడతాయి.
వేరుశెనగ, జీడిపప్పు, బాదం, వాల్ నట్స్ లు పోషకాలకు మంచి వనరు. వీటిని రోజూ గుప్పెడు తింటే మీ జుట్టు ఊడటం ఆగి పొడుగ్గా పెరుగుతుంది.