నల్లటి వలయాలను సహజంగా పోగొట్టడానికి ఎఫెక్టివ్ హోం రెమెడీస్

కోల్డ్ కంప్రెస్‌లను ఉపయోగించడం వల్ల కూడా డార్క్ సర్కిల్స్ తగ్గిపోతాయి. నిజానికి ఇది చాలా బాగా పనిచేస్తుంది. చల్లదనం రక్త నాళాలను సంకోచించడానికి సహాయపడుతుంది. 

నిద్ర లేకపోవడం వల్ల రక్తనాళాలు విస్తరిస్తాయి. దీంతో కళ్ల కింద వాపు వస్తుంది. అలాగే నల్లటి వలయాలు ఏర్పడుతాయి. అందుకే ప్రతి రాత్రి 7-8 గంటలు గాఢంగా నిద్రపోవాలి. 
 

బంగాళాదుంపను సన్నని ముక్కలుగా కట్ చేసి కాసేపే ఫ్రిజ్ లో ఉంచి మీ కళ్లపై సుమారు 15 నిమిషాలు ఉంచండి. బంగాళాదుంప ముక్కలు నల్లటి వలయాలను తగ్గించడానికి, వాపును తగ్గించడానికి సహాయపడతాయి.

పడుకునే ముందు కొన్ని చుక్కల స్వచ్ఛమైన బాదం నూనెను డార్క్ సర్కిల్స్ పై అప్లై చేయండి. అలాగే కళ్లపై సున్నితంగా మసాజ్ చేయండి. రాత్రంతా అలాగే ఉంచి ఉదయం నీటితో శుభ్రం చేయండి. 
 

దోసకాయ ముక్కలు అలసిపోయిన కళ్లను రిఫ్రెష్ చేయడానికి, ఉబ్బును, నల్లటి వలయాలను తగ్గించడానికి సహాయపడతాయి. వీటిని కాసేపు ఫ్రిజ్ లో ఉంచి 10-15 నిమిషాలు కళ్లపై ఉంచండి.