నోటి దుర్వాసనను వదిలించుకోవడానికి సరైన ఆహారాలనే  తినాలి. ముఖ్యంగా వెల్లుల్లి, ఉల్లిపాయలు వంటి ఘాటైన వాసన, రుచి ఉన్న ఆహారాల వల్ల నోట్లో నుంచి చెడు వాసన వస్తుంది. 
 

నోటిని లేదా శరీరంలోని ఇతర భాగాలను ప్రభావితం చేసే ఎన్నో వ్యాధుల వల్ల కూడా నోటి దుర్వాసన వస్తుంది. అలాగే ధూమపానం, మద్యపానం కూడా నోటి దుర్వాసనకు కారణమవుతాయి.
 

దంత క్షయం, చిగుళ్ల నొప్పులు, చిగుళ్ల పుండ్లు, నాలుకను ప్రభావితం చేసే అచ్చు ఇన్ఫెక్షన్లు, నోటి పూతలు, గాయాలు అన్నీ నోటి దుర్వాసనకు కారణమవుతాయి.

మీరు రెగ్యులర్ గా మీ దంతాలను బ్రష్ చేయకపోయినా లేదా మీ నాలుకను సరిగ్గా క్లీన్ చేయకపోయినా కూడా నోటి నుంచి దుర్వాసన వస్తుంది.  

భోజనం చేసిన తర్వాత ఒకటి లేదా రెండు యాలకులను నోట్లో వేసుకుని నమలడం వల్ల కూడా నోటి దుర్వాసన తగ్గిపోతుందని నిపుణులు చెబుతున్నారు.