పెదాలు పొడిబారి పగులుతున్నాయా? ఈ చిట్కాలు పాటిస్తే సరి

సమ్మర్‍లోనూ పెదాలు పొడిబారి పగులుతున్నాయా? అయితే ఈ సింపుల్ చిట్కాలు మీకోసమే. వీటిని పాటిస్తే మీ పెదాలు మృదువుగా మారతాయి.

చలికాలంలో పెదాలు పొడిబారి పగలడం చాలా సాధారణం. కానీ కొన్ని సులభమైన ఇంటి చిట్కాలను ఉపయోగించి ఈ సమస్యను సులభంగా నివారించవచ్చు. 

పెదాలపై తేమను నిలిపి ఉంచడంలో కొబ్బరి నూనె బాగా సహాయపడుతుంది. రోజుకు రెండు లేదా మూడు సార్లు పెదాలకు కొబ్బరి నూనె రాయడం చాలా మంచిది.

ప్రతిరోజూ ఉదయం, రాత్రి నిద్రపోయే ముందు కీరదోస రసం, రోజ్ వాటర్ మిశ్రమాన్ని పెదాలకు రాసుకోవడం వల్ల మంచి ఫలితం ఉంటుంది. 

రాత్రి నిద్రపోయే ముందు కొద్దిగా నెయ్యి పెదాలకు రాసుకుంటే, పెదాలు పొడిబారకుండా, పగలకుండా ఉంటాయి. 

ఆలివ్ ఆయిల్, రోజ్ వాటర్ కలిపి పెదాలకు రాస్తే పొడిబారడం తగ్గడమే కాదు, పెదాలకు మంచి రంగును అందించడంలోనూ రోజ్ వాటర్ అద్భుతంగా పనిచేస్తుంది. 

రాత్రి నిద్రపోయే ముందు లిప్ బామ్ రాసుకోవడం వల్ల పెదాలు పొడిబారకుండా ఉంటాయి. ఇది తేమను లాక్ చేస్తుంది.

ప్రతిరోజూ ఒక్కసారి కలబంద జెల్‌ను పెదాలకు రాసుకుంటే, అవి పొడిబారి పగలడాన్ని నివారించవచ్చు.

పెదాలకు తేనె రాయడం వల్ల అవి మరింత మృదువుగా మారతాయి. అలాగే పెదాలు పగలడాన్ని కూడా ఇది నివారిస్తుంది.