మైక్రోవేవ్ ని ఎలా శుభ్రం చేయాలో తెలుసా?

మైక్రోవేవ్‌లో ఏదైనా వేడి చేసినప్పుడు, దాని కణాలు పైకి లేచి మైక్రోవేవ్ గోడలకు అంటుకుంటాయి. క్రమంగా, ఇక్కడ జిడ్డు పేరుకుపోతుంది. దీన్ని శుభ్రం చేయడానికి ఈ పద్ధతులను అనుసరించండి.

మైక్రోవేవ్ శుభ్రం చేసే ముందు దాని స్విచ్ ఆఫ్ చేసి, ప్లగ్ తీసివేయండి. శుభ్రం చేయడానికి ముందు మైక్రోవేవ్ చల్లారనివ్వండి.

మైక్రోవేవ్ సేఫ్ బౌల్‌లో కొంచెం నీళ్లు పోసి, అందులో  నిమ్మకాయ ముక్కలు వేయండి. రెండు నుండి మూడు నిమిషాలు మైక్రోవేవ్ చేయండి.  ఆ తర్వాత స్క్రబ్బర్‌తో శుభ్రం చేయండి.

ఒక కప్పు నీటిలో 4 స్పూన్ల బేకింగ్ సోడా, 4-5 స్పూన్ల వైట్ వెనిగర్ కలిపి 5 నిమిషాలు వేడి చేసి, 10-15 నిమిషాలు మైక్రోవేవ్‌లోనే ఉంచండి. తర్వాత ఒక గుడ్డతో తుడిచివేయండి.

మైక్రోవేవ్‌లో ఒక గాజు ప్లేట్ ఉంటుంది. దాన్ని శుభ్రం చేయడానికి, దాన్ని బయటకు తీసి ముందుగా సాధారణ నీటితో శుభ్రం చేసి, ఆ తర్వాత లిక్విడ్ సోప్‌తో కడిగి ఆరనివ్వండి. 

మైక్రోవేవ్ బయట కూడా గాజు లేదా చుట్టుపక్కల గోడలపై మురికి పేరుకుపోతుంది. దీన్ని శుభ్రం చేయడానికి, లిక్విడ్ సోప్‌లో నీరు కలిపి స్క్రబ్బర్ సహాయంతో శుభ్రం చేయవచ్చు.

మైక్రోవేవ్ మూలల్లో ఆహార మురికి పేరుకుపోతుంది. అక్కడ లిక్విడ్ సోప్ రాసి, పాత టూత్ బ్రష్ సహాయంతో మూలలు శుభ్రం చేయండి.