కీరదోసకాయ ముక్కలను మీ అండర్ ఆర్మ్స్ మీద రుద్దండి లేదా కీరదోసకాయ రసాన్ని అక్కడ అప్లై చేయండి. అయితే దీన్ని అప్లై చేయడానికి ముందు సుమారు 10 నిమిషాల పాటు చంకలను పొడిగా ఉంచండి.

చిటికెడు పసుపు పొడిని తీసుకుని అందులో కొన్ని పాలను పోసి పేస్ట్ లా చేయండి. ఈ పేస్ట్‌ను మీ అండర్ ఆర్మ్స్‌కి అప్లై చేయండి.  10 నుంచి 15 నిమిషాల పాటు అలాగే ఉంచండి. 
 

కొబ్బరి నూనెను మీ అండర్ ఆర్మ్స్‌లో క్రమం తప్పకుండా రాసి మసాజ్ చేయడం వల్ల చర్మం కాంతివంతంగా మారుతుంది. అలాగే మరింత నల్లబడకుండా ఉంటుంది. దీన్ని కనీసం 15 నిమిషాలు అలాగే ఉంచండి.

తాజా అలోవెరా జెల్‌ను తీసుకుని మీ అండర్ ఆర్మ్స్‌కు అప్లై చేసి 20 నుంచి 30 నిమిషాల పాటు అలాగే ఉంచండి. అలోవెరా జెల్ చర్మాన్ని కాంతివంతం చేయడంతో పాటుగా చికాకును తగ్గిస్తుంది.

బేకింగ్ సోడాను నీటితో కలిపి పేస్ట్‌లా చేసి మీ అండర్ ఆర్మ్స్‌ కు అప్లై చేసి సున్నితంగా స్క్రబ్ చేయండి. దీన్ని పూర్తిగా ఆరనివ్వండి. స్క్రబ్బింగ్‌ ఎక్కువచేస్తే చికాకు కలుగుతుంది.

బంగాళాదుంపను ముక్కలుగా కట్ చేసి మీ అండర్ ఆర్మ్స్‌పై కొన్ని నిమిషాల పాటు రుద్దండి. దీన్ని శుభ్రం చేయడానికి ముందు సుమారు 10-15 నిమిషాల పాటు అలాగే ఉండనివ్వండి.