Lifestyle
ఫైబర్ కంటెంట్ పుష్కలంగా ఉండే చిలగడదుంపలు మన జీర్ణక్రియను మెరుగుపరుస్తాయి. అలాగే మలబద్ధకం నుంచి ఉపశమనం కలిగించడానికి సహాయపడతాయి.
చిలగడదుంపల్లో విటమిన్లు, యాంటీ ఆక్సిడెంట్లు పుష్కలంగా ఉంటాయి. ఇలాంటి వాటిని రెగ్యులర్ గా తినడం వల్ల మన రోగనిరోధక శక్తి పెరుగుతుంది.
మధుమేహులు కూడా చిలగడదుంపలను తినొచ్చు. వీటిలో గ్లైసెమిక్ ఇండెక్స్ తక్కువగా ఉంటుంది. అంతేకాదు ఫైబర్ కూడా ఉంటుంది. ఇది డయాబెటిస్ నియంత్రణకు సహాయపడుతుంది.
చిలగడదుంపల్లో విటమిన్ బి6, పొటాషియం లు పుష్కలంగా ఉంటాయి. ఇవి మన గుండెను ఆరోగ్యంగా ఉంచుతాయి. గుండెపోటు ప్రమాదాన్ని కూడా తగ్గిస్తాయి.
విటమిన్ ఎ, బీటా కెరోటిన్ లు పుష్కలగా ఉన్న చిలగడదుంపలు కూడా కళ్ల ఆరోగ్యాన్ని రక్షించడానికి సహాయపడతాయి. ఇవి కంటిచూపును పెంచడానికి కూడా సహాయపడతాయి.
చిలగడదుంపలను క్రమం తప్పకుండా తినడం వల్ల మెదడు ఆరోగ్యంగా ఉంటుంది. ఇది మెదడు చురుగ్గా పనిచేయడానికి సహాయపడుతుంది.
చిలగడదుంపలు బరువు తగ్గడానికి కూడా ఎంతో సహాయపడతాయి. వీటిలో కేలరీలు చాలా తక్కువగా ఉంటాయి. వీటిని తింటే కడుపు తొందరగా నిండుతుంది.
చిలగడదుంపల్లో బీటా కెరోటిన్ పుష్కలంగా ఉంటుంది. ఇది చర్మంపై ముడతలను నివారించడానికి సహాయపడుతుంది. అలాగే చర్మాన్ని కాంతివంతంగా చేస్తుంది.