Kitchen Tips: తరచూ కిచెన్ సింక్ బ్లాక్ అవుతుందా ? ఈ తప్పులు చేయకండి..

చాలా మంది వాడిన నూనె, గ్రీజు ను సింక్ లో పోస్తారు.  పాత్రలను సులభంగా క్లీన్ చేశామని భావించినా.. అలా చేస్తే పైపులు మూసుకుపోతాయి. సింక్ బ్లాక్ అయ్యే అవకాశం ఎక్కువ. 

కూరగాయలు, ఇతర ఆహరాపర్థాలను కడిగేటప్పుడు జాగ్రత్తగా ఉండాలి. కొంతమంది కూరగాయల ముక్కలు, పండ్ల తొక్కలను డ్రైన్‌లో పడేస్తారు. అలా చేయడం వల్ల సింక్ పైప్ బ్లాక్ అయ్యే అవకాశముంది.  

బంగాళాదుంపలు, పాస్తా లాంటి ఆహారాలు డ్రైన్‌లో వేయకూడదు. వాటిలోని అంటుకునే గుణం వల్ల పైపుల్లోనే జామ్ అవుతాయి. దీంతో పైపులు మూసుకుపోతాయి.

 కాఫీ పొడిని సింక్ లో పోయకూడదు. ఇది పైపులను మూసుకుపోయేలా చేస్తుంది. పైపుల్లో కాఫీ పౌడర్ పేరుకుపోవడం వల్ల దుర్వాసన రావచ్చు, ఇది పరిసరాలను కూడా ప్రభావితం చేస్తుంది.

గుడ్డు పెంకులను డ్రైన్‌లో వేయడం మంచిది కాదు. గుడ్డు పెంకులు చిన్న చిన్న ముక్కలుగా విరిగిపోయినప్పటికీ ఇతర వ్యర్థాలతో కలిసిపోయి గడ్డకడుతాయి. పైపులు బ్లాక్ అయ్యే అవకాశముంది.