Vitamin D: ఈ లక్షణాలు మీలో ఉంటే.. విటమిన్ డి లోపం ఉన్నట్లే..

విటమిన్ డి లోపం చాలా మంది ఎదుర్కొనే సమస్య. ఈ లోపం వల్ల చర్మంపై దురద, చర్మం ముడతలు పడటం, అలసట, ఎముకల నొప్పి, కండరాల బలహీనత, తరచుగా అనారోగ్యం బారడం వంటివి కనిపిస్తాయి.  

జుట్టు రాలడం విటమిన్ డి లోపానికి ఒక లక్షణం. జుట్టు కుదుళ్లను పెరగడానికి, జట్టు ఆరోగ్యకరంగా ఉండటానికి విటమిన్ డి సహాయపడుతుంది. దీని లోపం వల్ల జుట్టు రాలిపోతుంది. 

చర్మ సమస్యలు మరో లక్షణం. విటమిన్ డి లోపం కారణంగా చర్మంలో దురద, మంట, చిరాకు, ఎరుపు, దద్దుర్లు కూడా రావచ్చు. కొంతమందిలో చర్మం పొడిబారడం వంటి సమస్యలు కూడా వస్తాయి.

గాయాలు మానడానికి విటమిన్ డి సహాయపడుతుంది. కానీ, విటమిన్ డి లోపం వల్ల ఈ ప్రక్రియను నెమ్మదిస్తుంది.

విటమిన్‌ డి లోపం కారణంగా శరీరంలోని రోగనిరోధక వ్యవస్థ దెబ్బతింటుంది. అంతేకాకుండా అనేక రకాల అనారోగ్య సమస్యలు వస్తాయి.