Migraine: మైగ్రేన్‌‌తో బాధపడుతున్నారా.. ఈ ఫుడ్ ను దూరం పెట్టాల్సిందే !

పులియబెట్టిన ఆహారంలో (Fermented foods)  టైరమైన్ అధికంగా ఉంటుంది. ఇది కొంతమందిలో మైగ్రేన్ కి కారణం కావచ్చు.

బేకన్, హాట్ డాగ్స్ వంటి ప్రాసెస్ చేసిన లేదా ఎండబెట్టిన మాంసంలో నైట్రేట్లు, నైట్రైట్లు వంటి రసాయనాలు ఉంటాయి. ఇవి కొంతమందిలో మైగ్రేన్ తలనొప్పిని ప్రేరేపించవచ్చు.

మద్యం, ముఖ్యంగా రెడ్ వైన్‌లో ఉండే టానిన్లు, హిస్టామిన్లు కొంతమందిలో మైగ్రేన్  తలనొప్పిని ప్రేరేపిస్తాయి.

కాఫీలో ఉన్న కేఫిన్‌ను అధికంగా తీసుకోవడం వల్ల కొంతమందికి మైగ్రేన్ రావచ్చు. అంతేకాక, కాఫీని సడెన్ గా మానేసిన కూడా మైగ్రేన్‌ వచ్చే అవకాశం ఉంటుంది.

మైగ్రేన్ ఉన్నవారు చాక్లెట్స్ ఎక్కువగా తినకూడదు. వీటిలోని కేఫిన్, థియోబ్రొమిన్ వంటి పదార్థాలు తలనొప్పిని ప్రేరేపిస్తాయి. 

మైగ్రేన్ ఉన్నవారు  లెమన్, ఆరెంజ్, ముసంబి వంటి సిట్రస్ పండ్లు లేదా  చల్లని పదార్థాలకు దూరంగా ఉండటమే మేలు. వీటిలోని ఆమ్లాలు నాడీ వ్యవస్థను ప్రభావితం చేస్తాయి. 

కృత్రిమ తీపి పదార్థాలలో ఉండే అస్పార్టేమ్ రసాయనం మైగ్రేన్‌ను ప్రేరేపిస్తుంది. ఇవి మెదడులోని నాడీ వ్యవస్థపై ప్రభావం చూపుతుంది.