Food Digestion Time: ఏ ఆహారం ఎంత సమయానికి జీర్ణం అవుతుందో తెలుసా ?

చికెన్‌ వంటి మాంసాహారం జీర్ణం కావడానికి సుమారు రెండు గంటల సమయం పడుతుంది.  అయితే జీర్ణక్రియ సమయం అనేది వ్యక్తుల ఆరోగ్య స్థితి, వయస్సు, ఆహారపు అలవాట్లపై ఆధారపడి ఉంటుంది. 

గుడ్డు జీర్ణం కావడానికి సాధారణంగా సుమారు 30 నిమిషాలు సరిపోతుంది. పచ్చి గుడ్డు కంటే ఉడికిన గుడ్డు లేదా వండిన గుడ్డు  వేగంగా జీర్ణమవుతుంది.

క్యారెట్‌ వంటి పీచు ఆహారపదార్థాలు కేవలం 30 నిమిషాల్లో జీర్ణమవుతాయి. ఇవి జీర్ణక్రియను మెరుగుపరుస్తాయి. ఉడికిన క్యారెట్ మరింత సులభంగా జీర్ణం అవుతుంది. 

కర్బూజ వంటి నీటిశాతం ఎక్కువగా ఉండే ఆహారపదార్థాలు సాధారణంగా 20 నిమిషాల్లో జీర్ణమవుతాయి. ఇవి తేలికపాటి ఆహారం కావడంతో పాటు శరీరానికి తక్షణ శక్తిని అందిస్తాయి. 

నీరు జీర్ణం కావడానికి అంటే.. కడుపు నుండి ఆంత్రాలలోకి చేరడానికి సుమారు 5 నిమిషాలు మాత్రమే పడుతుంది. శరీరంలో శోషణ ప్రక్రియకు వేగవంతం చేస్తుంది. 

బంగాళదుంప జీర్ణం కావడానికి 1 గంట సమయం పడుతుంది. ఇందులో కార్బోహైడ్రేట్స్ పుష్కలంగా ఉండటం వల్ల శరీరానికి తక్షణ శక్తిని అందిస్తాయి. ఉడికించిన లేదా వేపిన బంగాళదుంప వేగంగా జీర్ణమవుతుంది

ఆపిల్‌ జీర్ణం కావడానికి సుమారు 40 నిమిషాలు పడుతుంది. ఇందులో అధిక ఫైబర్, నీటి శాతం కలిగి ఉండటం వల్ల తేలికగా జీర్ణమవుతుంది.

బాదం (Almonds) జీర్ణం కావడానికి సాధారణంగా 3 గంటల వరకు సమయం పడుతుంది. బాదాల్లో కొవ్వులు, ప్రోటీన్లు, ఫైబర్ అధికంగా ఉండటంతో జీర్ణక్రియ నెమ్మదిగా జరుగుతుంది. 

జీడిపప్పు జీర్ణం కావడానికి సాధారణంగా 5 నుండి 6 గంటల సమయం పడుతుంది. ఇవి అధిక కొవ్వు, ప్రోటీన్, ఫైబర్ కలిగి ఉండటం వల్ల శరీరానికి జీర్ణించుకోవడానికి ఎక్కువ సమయం పడుతుంది.