High Cholesterol: ఈ లక్షణాలు మీలో ఉంటే.. అధిక కొలెస్ట్రాల్ ఉన్నట్లే !

చర్మం కింద కొలెస్ట్రాల్ పేరుకుపోవడం వల్ల కనురెప్పలపై పసుపు రంగు మొటిమలు కనిపిస్తాయి. అలాగే గోళ్లపై పసుపు మచ్చలు కనిపిస్తే అది అధిక కొలెస్ట్రాల్‌కి సంకేతం. వీటిని జాంటోమాస్ అంటారు.

శరీరంలో అధిక కొలెస్ట్రాల్ ఉన్నవారు.. నడిచేటప్పుడు  కాళ్ళలో నొప్పి, తిమ్మిరి అనిపించవచ్చు. హై కొలెస్ట్రాల్ వల్ల రక్త ప్రసరణ సరిగ్గా జరగదు. సిరలు, ధమనుల్లో అడ్డంకులు ఏర్పడతాయి. 

ధమనులలో ఆక్సిజన్ లేకపోవడం వల్ల కండరాలు బలహీనంగా మారుతాయి.  ఇలాంటి పరిస్థితుల్లో నడవడానికి కూడా ఇబ్బంది పడుతారు. అలాగే  మీరు ఎక్కువసేపు నిలబడలేరు.  

తల తిరగడం అధిక కొలెస్ట్రాల్‌కి ఓ సంకేతం. అధిక కొలెస్ట్రాల్ వల్ల రక్తనాళాలు సన్నబడతాయి, దీని వల్ల రక్తపోటు పెరుగుతుంది. దాని వల్ల తల తిరిగినట్టు అనిపించవచ్చు. 

మెట్లు ఎక్కుతున్నప్పుడు లేదా సాధారణ పనులు చేస్తున్నప్పుడు శ్వాస ఆడకపోవడం కొలెస్ట్రాల్‌కు సంకేతం కావచ్చు, కానీ ఇది గుండె జబ్బుల ప్రారంభ సంకేతం కూడా కావచ్చు.  

బాగా నిద్రపోయిన తర్వాత కూడా అలసటగా అనిపించడం అధిక కొలెస్ట్రాల్‌ లక్షణం కావొచ్చు.  

పైన పేర్కొన్న లక్షణాలు కనిపిస్తే స్వీయ-నిర్ధారణకు ప్రయత్నించకుండా డాక్టర్‌ను సంప్రదించండి. దీని తర్వాత మాత్రమే వ్యాధిని నిర్ధారించండి.