Spinach: రోజూ పాలకూర తింటే ఏమౌతుందో తెలుసా..?

పాలకూర ఆరోగ్యానికి మంచిదే. ఇందులో ఐరన్, విటమిన్లు పుష్కలంగా ఉంటాయి. కానీ, పాలకూర ఎక్కువగా తింటే.. కొందరికి గ్యాస్, ఉబ్బరం, అజీర్ణం వంటి జీర్ణ సంబంధిత సమస్యలు రావచ్చు. 

రోజూ పాలకూర తింటే కిడ్నీలో రాళ్ళు వచ్చే ప్రమాదం ఉంది. ఎందుకంటే పాలకూరలో ఆక్సలేట్ అధికంగా ఉంటుంది. ఆక్సలేట్, కాల్షియం కలిసి, మూత్రంలో స్ఫటికాలు ఏర్పడవచ్చు.

థైరాయిడ్ సమస్య వున్నవాళ్లు పాలకూరను తినకూడదు. వీటిలో ఉండే గోయిట్రోజెన్‌ సమస్యను మరింత పెంచుతుంది.

కొంతమందికి పాలకూర పడదు. తిన్నవెంటనే అలర్జీ వంటి సమస్యలు వస్తాయి. మరికొందరిలో దురద, కణుతులు, కురుపులు రావొచ్చు. ఈ సమస్యలున్నవారు కూడా పాలకూరని అవాయిడ్ చేయడం మంచిది.

పాలకూరలో కాల్షియం ఉన్నా అది ఆక్సలేట్ రూపంలో ఉండటం వల్ల, శరీరంలో కాల్షియం శోషణను తగ్గిస్తుంది. ఆక్సలేట్లు కాల్షియంతో బంధించి, దాని శోషణను అడ్డుకుంటాయి. దీంతో కీళ్ల సమస్యలు రావొచ్చు.