Lips Cancer: జాగ్రత్త.. పెదవి క్యాన్సర్ ఉంటే ఈ లక్షణాలు ఉంటాయట..

పొగాకు, ధూమపానం వంటి అలవాట్లు ఉన్నవారికి పెదవి క్యాన్సర్ వచ్చే అవకాశం ఎక్కువ.  

పెదవి క్యాన్సర్ ఒక రకమైన నోటి క్యాన్సర్. ఇది పెదవులు, నాలుక, బుగ్గలు, గొంతు వంటి ప్రదేశాలలో కణాల అసాధారణ పెరుగుదల చూడవచ్చు. 

ప్రారంభ దశలోనే గుర్తించి శస్త్రచికిత్స ద్వారా నయం చేయవచ్చు. కీమోథెరపీ, రేడియేషన్ థెరపీ చికిత్సలు.

పెదవి క్యాన్సర్ నోటిలో పుండు లాగానే ఉంటుంది. ఆ పుండు రెండు వారాలకన్నా ఎక్కువ కాలం నయం కాకపోతే, డాక్టర్‌ని సంప్రదించడం బెటర్.

తెల్లటి చర్మం ఉన్నవారిలో ఎరుపు, నల్లటి చర్మం ఉన్నవారిలో ముదురు గోధుమ లేదా బూడిద రంగులో పుండ్లు కనిపిస్తాయి. గాయాలు మానుతాయి కానీ పెదవి క్యాన్సర్ మానదు.

చికిత్స చేయకపోతే లింఫ్ నోడ్స్, దవడ, ఊపిరితిత్తులు, శరీరంలోని ఇతర భాగాలకు క్యాన్సర్ వ్యాపిస్తుందని ఆరోగ్య నిపుణులు చెబుతున్నారు.

పెదవిపై నిరంతరం వచ్చే గాయాలు, పెదవిపై గడ్డలు, పెదవిపై తెల్లగా లేదా ఎర్రగా ఉండే మచ్చలు, పెదవిపై తీవ్రమైన నొప్పిని కలుగజేస్తాయి.